मिनी ट्रक खस्दा ४ गम्भीर घाइते

कृष्ण थापा

नुवाकोट — किस्पाङ गाउँपालिका–५ सिम्ले बगरमा मंगलबार मिनी ट्रक अनियन्त्रित भई सडकबाट खस्दा चारजना गम्भीर घाइते भएका छन् । शान्ति बजारबाट रसुवाको सल्लेटार गइरहेको बा ३ ख ५२२७ नम्बरको मिनी ट्रक सडकदेखि १५ मिटर तल खसेका हो ।

घाइतेहरुमा किस्पाङगाउपालिका–५ शान्ति बजारका खिलप्रसाद भट्टराई, बुद्धिमाया तामाङ, उनका श्रीमान आइतराम तामाङ र हेमबहादुर भट्टराई रहेका छन्।


एभरेष्ट एयरको हेलिकोप्टबाट काठमाडौं लगिएका भट्टराईद्वयको छाउनी अस्पतालमा उपचार भइरहेको छ भने बुद्धिमाया र उनका श्रीमान् आइतरामको ग्रीनसिटी अस्पतालमा उपचार भइरहेको प्रहरीले बताएको छ। उनीहरुको टाउको, गोडा र शरीरमा चोट लगेर गम्भिर अवस्था भएपछि उपचारका लागि काठमाडौ पठाइएको जिल्ला प्रहरी प्रमुख एसपी अविनारायण काफ्लेले बताए। खिलप्रसाद उक्त सवारीका चालक र धनी हुन्। प्रकाशित : फाल्गुन ६, २०७६ १८:१८

ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

वाग्मती गोल्डकपमा जावलाखेल सेमिफाइनलमा 

सुवास बिडारी

मकवानपुर — जावलाखेल युथ क्लब मकवानपुरमा जारी तेस्रो वाग्मती गोल्डकप राष्ट्रिय फुटबल प्रतियोगिता–२०७६ को सेमिफाइनलमा प्रवेश गरेको छ ।

मंगलबार जनता माध्यामिक विद्यालयको खेल मैदानमा भएको खेलमा मकवानपुरको लिग च्याम्पियन डाँफे युवा क्लबलाई २–० गोलअन्तरले पराजित गर्दै जावलाखेलले अन्तिम चारको स्थान पक्का गरेको हो।

सेमिफाइनलमा जावलाखेलको भेट संकटा र वीरगञ्ज युनाइटेडबीचको विजेतासँग हुनेछ। जवलाखेलको जितमा सुजित बुढाथोकीले दुई गोल गरे। बुढाथोकीले खेलको १४ औं मिनेटमा गोल गर्दै जावलाखेललाई अग्रता दिलाएका थिए। फोफना फोडेको क्रसमा डिबक्स बाहिरबाट गरेको प्रहार गोलमा परिणत भएको थियो। २८ औं मिनेटमा बुढाथोकीले नै दोस्रो गोल गरे।

पहिलो हाफमा जावलाखेलमाथि मकवानपुरले केही दबाब राखेपनि गोल गर्न सकेन। दोस्रोमा पहिलो हाफकाे अग्रतालाई कायम राख्दै जावलाखेल विजयी भयो। खेलमा दुई गोल गरेका जावलाखेलका सुजित बुढाथोकी म्यान अफ दी म्याच घोषित हुँदै नगद पाँच हजार रुपैयाँ प्राप्त गरे।

प्रतियोगिताअन्तर्गत् बुधबार साविकको विजेता सरस्वती युथ क्लब र हिमालयन शेर्पा क्लबबीच प्रतिस्पर्धा हुनेछ। प्रतियोगिता फागुन १३ गतेसम्म सञ्चालन हुनेछ। प्रतियोगिताको विजेता र उपविजेताले क्रमशः नगद ६ लाख र ३ लाख रुपैयाँ प्राप्त गर्नेछन्।

प्रकाशित : फाल्गुन ६, २०७६ १८:१४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×