बिमले लागेर मृत्यु         

कान्तिपुर संवाददाता

नुवाकोट — घर बनाउने क्रममा बिमले लागेर विदुर नगरपालिका १२ का ५४ वर्षीय भिमसेन आलेमगरको मृत्यु भएको छ । 

ZenTravel

स्थानीय शंकर पण्डितको बन्दै गरेको नयाँ घरमा काठको बिम राख्‍नेक्रममा अचानक खस्‍दा सख्त घाइते भएका आलेमगरको उपचारको क्रममा मृत्यु भएको हो ।

जिल्ला प्रहरी कार्यालयका एसपी अभिनारायण काफ्लेले शव त्रिशुली अस्पतालमा पोस्टमार्टम गरी आफन्तलाई जिम्मा लगाइने जानकारी दिएको छ । दिइने प्रहरीले जनाएको छ ।

प्रकाशित : माघ २९, २०७६ ११:५७
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

चिनियाँ कामदार नफर्केपछि न्यादी जलविद्युत् आयोजनाको निर्माण ठप्प

आश गुरुङ

लमजुङ — चिनियाँ प्राविधिक र कामदार नफर्केपछि उत्तरी लमजुङको ङादी खोलामा निर्माणाधीन ३० मेगावाटको न्यादी जलविद्युत् आयोजनाको निर्माण एक महिनादेखि ठप्प छ । निर्माणमा खटिएका चिनियाा प्राविधिक नयाँ वर्ष मनाउन एक महिनाअघि चीन गएका थिए ।

घर पुगेको बेलामा कोरोना महामारी फैलिएपछि चीन सरकारले आफ्ना नागरिकलाई बाहिरी देश जान प्रतिवन्ध लगायो। त्यसपछि उनीहरु फर्किन सकेका छैनन्।

जनवरी ४/५ तारिखमा गएका चिनियाँ प्राविधिक फेब्रुअरी ४/५ तारिखसम्म फर्किन नसकेपछि आयोजनाको निर्माणकार्य ‘बन्द’ भएको हो। आयोजनाको निर्माण चिनियाँ कम्पनी च च्याङ हाइड्रोपावर कन्स्ट्रक्सन एण्ड इन्स्टलेशन कम्पनी लिमिटेडले गरिरहेको छ। कोरोनाका कारण चिनियाा आउन नसकेपछि नेपाली कामदारमात्रैले केही गर्न नसक्ने आयोजनाका प्रशासकीय अधिकृत बासुदेव गड्तौलाले बताए।

आयोजना निर्माणमा चिनियाा कामदार ६१ जना छन्। निर्माण कम्पनीका मुख्य व्यक्ति, सुपरभाइजर, ईन्जिनियरसहित प्राविधिक सबै चीन हिाडेका छन्। आयोजनामा काम गर्ने ४ जनाबाहेक सवै चिनियाँ नयाा बर्ष मनाउन घर गएका थिए। घर गएकामध्य २ चिनियाँ मात्रै फर्केका र ५५ जना चीनमै रहेका गड्तौलाले बताए।

निर्माण कम्पनीकै मान्छे नभएपछि आयोजनाको निर्माणकार्य १ महिनादेखि अगाडि बढ्न नसकेको आयोजनाका जनसम्पर्क अधिकृत विजय गुरुङले बताए।

आयोजनाले आगामी बैशाख ६ गते विद्युत उत्पादन गर्ने लक्ष्य लिएको छ। ८० देखि ८५ प्रतिशत निर्माण सकेको आयोजनाको बढी काम हेडवक्सको गर्न बााकी रहेको गड्तौलाले बताए। उनका अनुसार हेडवर्क्समा ६० देखि ७० प्रतिशत काम सकिएको छ। सुरुङ निर्माणकार्य ९० प्रतिशत सकिएको छ। पावरहाउसमा ८५ प्रतिशत सकिएको छ। बााकी १५ प्रतिशत इलेक्ट्रोमेकानिकलको रहेको र सामग्री आउने क्रममा रहेको उनले बताए।

साविक बाहुनडाँडा र भुलभुले गाविसको सीमा (मर्स्याङदी गाउँपालिका ६ र ७ बीच) ङादीखोलामा निर्माणाधिन आयोजनामा वुटवल पावर कम्पनी (बीपीसी) को ९७ दशमलव २२ प्रतिशत र लमजुङ विद्युत विकास कम्पनी (लेड्को)को २ दशमलव ७८ प्रतिशत लगानी रहेको छ।

४ अर्ब ३८ करोडमा सक्ने गरी डिजाइन गरिएको आयोजना निर्माण सक्ने मितिसम्म ब्याजसहित ६ अर्ब रुपैयाँ लाग्ने प्रक्षेपण गरिएको छ। आयोजनामा एभरेस्ट बैंकको नेतृत्वमा नविल बैंक, ग्लोवल आइएमई बैंक, हिमालयन बैंक, सनराइज बैंक र जलविद्युत लगानी तथा विकास कम्पनीको लगानी रहेका छन्।

प्रकाशित : माघ २९, २०७६ ११:४६
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×