४५ जना सवार मिनीट्रक प्रहरीको नियन्त्रणमा

ट्रक चालक सिद्धलेक–२ का निवासी ३८ वर्षीय नरबहादुर मगरलाई प्रहरीले रोकेर ढुवानी साधनमा यति धेरै यात्रु नबोक्न सम्झाउने प्रयास गरेको थियो । धेरै मानिस राखेर सवारी चलाउँदा दुर्घटना हुनसक्ने भनेर सम्झाउँदासमेत अटेर गरी चालक मगरले उल्टै मिनीट्रकलाई सडक बिचमा रोकेर सवारी आगमनमा अवरोध पुर्‍याएका थिए ।

मिनी ट्रकमा रहेको मानिसहरु समेत झार्न नमानेर ड्यूटीमा खटिएको प्रहरीलाई गाली गलौज गरी अभद्रव्यवहार गरेकाले मिनीट्रक र चालकलाई नियन्त्रणमा लिएको खड्काले बताए । चालक मगरलाई यातायात व्यवस्था ऐन अन्तर्गत कारवाही र दण्ड सजाय हुने प्रवक्ता खड्काले बताए ।

गत माघ ७ जनाको मृत्य र ३४ जना घाइते भएपछि जिल्ला प्रहरीले मापदण्ड विपरितका सवारी साधनहरुलाई यात्रु ओसार्न प्रतिबन्ध गरेको छ ।