धादिङको त्रिपुरासुन्दरीमा जीप दुर्घटना हुँदा ९ जना घाइते
धादिङ — धादिङको त्रिपुरासुन्दरी–७ दलदले लपाङमा बोलेरो जिप दुर्घटना हुँदा ९ जना घाइते भएका छन् । घाइते हुनेहरुमा ७ जना पुरुष र २ जना महिला रहेका छन् ।
रुबीभ्यालीको बोराङबाट धादिङबेसीतर्फ आउँदै गरेको ग १ ज ६७५० नम्बरको मुस्ताङ जिप एक्कासी भित्तामा ठोक्किँदा दुर्घटना भएको जिल्ला प्रहरी कार्यालय धादिङका प्रहरी उपरीक्षक रविन्द्र रेग्मीले बताए ।
दुर्घटनामा घाइतेहरुको खहरेबाट खटिएको प्रहरी टोली र स्थानीयद्वारा उद्धार गरिएको थियो । घाइतेहरुको जिल्ला अस्पताल धादिङबेसीमा उपचारपश्चात गम्भीर घाइते २ जनालाई थप उपचारका लागी काठमाडौं रिफर गरिएको उद्दारमा संलग्न नेपाल रेडक्रसका नारायण श्रेष्ठले बताए ।
गम्भीर घाइते हुनेहरुमा जलबहादुर तामाङ र कर्णबहादुर तामाङ रहेका छन् । सवारी चालक फरार रहेको जिल्ला प्रहरी कार्यालय धादिङले जनाएको छ ।
प्रकाशित : पुस १५, २०७६ १९:२२