१० केजी चरेससहित २ युवक पक्राउ
हेटौंडा — लागू औषधसहित बारा जिल्लाका दुई युवकलाई प्रहरीले मकवानपुरमा बिहीबार पक्राउ गरेको छ ।
बारा पचरौटा नगरपालिका-७ का मोटरसाइकल चालक अरबिन्द कुमार पटेल र आदर्श कोतवाल गाउँपालिका- १ का सुल्तान मियाँ अन्सारीलाई १० केजी २ सय ५० ग्राम चरेससहित प्रहरीले पक्राउ गरेको हो ।
भीमफेदीबाट हेटौंडातर्फ आइरहेको बा४०प ७२४० नम्बरको मोटसाइकल रोकेर प्रहरीले भैसेमा चेक गर्ने क्रममा चरेस फेला परेको प्रहरी उपरीक्षक मुकेशकुमार सिंहले बताए ।
१० वटा प्लाष्टिकमा प्याक गरेर ल्याइएको चरेस कालो झोलामा लुकाएर ल्याएका थिए । प्रहरीले मोटरसाइकलसहित २ दुवै जनालाई पक्राउ गरेर शुक्रबार सञ्चारकर्मीमार्फत सार्वजनिक गरेको थियो
प्रकाशित : मंसिर २७, २०७६ ०९:४७प्रतिक्रिया