मानव बेचविखन नियन्त्रणमा सबै लागौं : अध्यक्ष तामाङ

कान्तिपुर संवाददाता

नुवाकोट — जिल्लाको पञ्चकन्या गाउँपालिकामा सोमबार समुदाय प्रहरी साझेदारी कार्यक्रमअन्तर्गत मानव बेचविखन तथा ओसारपसार सम्बन्धी जनचेतना कार्यक्रम गरिएको छ । 

ZenTravel

लैंगिक हिंसा विरुद्धको १६ दिने अभियानको अवसरमा पञ्चकन्या गाउँपालिका,जिल्ला प्रहरी कार्यालय नुवाकोट र इलाका प्रहरी कार्यालय पञ्चकन्याको संयुक्त आयोजनामा उक्त कार्यक्रम भएको हो ।

Meroghar

कार्यक्रममा पञ्चकन्या गाउँपालिका अध्यक्ष तेजबहादुर तामाङले मानव बेचविखन गर्नु जघन्य अपराध भएको भन्दै त्यसलाई नियन्त्रण गर्न सरोकारवाला सबै निकाय लाग्नु पर्ने बताए ।

कार्यक्रममामानव बेचविखन अनुसन्धान ब्यूरो काठमाडौंकाप्रमुख तथा एसपी गोविन्द थपलियाले दलालहरुले वैदेशिक रोजगारीका लागि विकसित देशहरुमा पठाइदिने नाममा ठगी गर्ने गरिरहेको बताए । उनले आफ्नो कार्यपत्र प्रस्तुत गर्दै दलालमार्फत विभिन्न देश पठाउने चोरी बाटो, त्यहाँ पुगेर समस्यामा परेका नेपालीहरुको अवस्थाबारे जानकारी दिएका थिए ।

एपसी थपलियाले सरकारी तबरबाट र त्यो देशको ऐन, कानुन बुझेर मात्र वैदेशिक देशमा जान आग्रह गरे ।

कार्यक्रममा इलाका प्रहरी कार्यालयका निमित्त प्रमुख प्रहरी नायव निरीक्षक रामेश्वर सहनी,जनप्रतिनिधि, सरकारी कर्मचारी, शिक्षक,स्थानीय बासिन्दाको उपस्थिति थियो ।

प्रकाशित : मंसिर २५, २०७६ १३:०५
प्रतिक्रिया
पठाउनुहोस्
ADVERTISEMENT

पौडेल पक्षको नेविसंघको भेला

कान्तिपुर संवाददाता

काठमाडौँ — नेपाली कांग्रेसका वरिष्ठ नेता रामचन्द्र पौडेल पक्षीय नेपाल विद्यार्थी संघ(नेविसंघ)का नेताहरुले काठमाडौंमा भेला आयोजना गरेका छन् ।

नेविसंघको ११ औं महाधिवेशनमा पौडेल पक्षबाट अध्यक्षका उम्मेदवार मनोजमणि आचार्य र महामन्त्रीका उम्मेदवार दीपक भट्टराईको नेतृत्वमा ‘अहिले विवेकपूर्ण व्यवहार, कांग्रेस एकताको आधार, प्राकृतिक न्यायको आधारमा नेविसंघको नेतृत्व, हाम्रो अधिकार’ भन्नेविषयमा छलफल गर्नभेलाआयोजना गरिएकोहो।

‘२०७३ सालको निर्वाचनबाट खुम्चिएको कांग्रेसलाई पुनः पहिलाको अवस्थामा फर्काउन र नेविसंघलाई सशक्त बनाउन हामीले कार्यक्रम आयोजना गरेका हौं,’ विद्यार्थी नेता भट्टराईले भने।

नेविसंघको नेतृत्व ‘षड्यन्त्रको कोखबाट होइन संघर्षको मैदानबाट ल्याउनुपर्छ’ भन्नेमा दबाब दिन पनि कार्यक्रम आयोजना गरिएको भट्टराईले बताए।

प्रकाशित : मंसिर २५, २०७६ १२:५६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×