उमाकुण्ड-५ को उपनिर्वाचनमा १ हजार २ सय ७२ जनाले गरे मतदान- वाग्मती - कान्तिपुर समाचार

उमाकुण्ड-५ को उपनिर्वाचनमा १ हजार २ सय ७२ जनाले गरे मतदान

टीकाप्रसाद भट्ट

रामेछाप — रामेछापको उमाकुण्ड गाउँपालिका-५ को वडाध्यक्ष पदका लागि भएको उपनिर्वाचन शान्तिपूर्ण रुपमा सकिएको छ । 
प्रमुख जिल्ला अधिकारी लिलाकुमारी केसी पाण्डेकाअनुसार १ हजार ७ सय ४९ मतदाता रहेको उक्त वडामा १ हजार २ सय ७२ जनाले मतदान गरेका छन्। 



प्रजिअ केसीले मतदान केन्द्रबाट मतपेटिका च्यादलुस्थित गाउँपालिकाको मुख्यालयमा ल्याई साँझ नै गणना कार्य सुरु गर्ने तयारी रहेको बताइन् । ढिलोमा मध्यरातसम्म परिमाण आउने पाण्डेले बताइन् ।


उक्त वडामा एमालेबाट निर्वाचित भएका वडा अध्यक्ष कुविरबहादुर खत्रीले आत्महत्या गरेपछि मतदान भएको हो । शनिबार भएको निर्वाचनमा नेकपाबाट कुलबहादुर बस्नेत र नेपाली कांग्रेसबाट सावित्री सुनुवार प्रतिस्पर्धामा उत्रिएका छन् ।

प्रकाशित : मंसिर १४, २०७६ १९:३०
प्रतिक्रिया
पठाउनुहोस्

वडा अध्यक्षको उपनिर्वाचनमा ६१ प्रतिशत मत खस्यो

विप्लव महर्जन

सल्यान — कुमाख गाउँपालिका-५ कालागाउँमा भएको वडा अध्यक्षको उप निर्वाचनमा कुल मतदाताको ६१.१२ प्रतिसतले मतदान गरेका छन । १ हजार ८ सय ३९ मतदाता रहेको कुमाख गाउँपालिका-५ कालागाउँमा संख्यात्मक रुपमा १ हजार १ सय २४  मत खसेको मुख्य निर्वाचन अधिकृतको कार्यालय सल्यानले जनाएको छ । 

१ हजार एक सय २४ मध्ये पुरुष ५ सय २४ र महिला ६ सय रहेको मुख्य निर्वाचन अधिकृतको कार्यालय सल्यानका एक कर्मचारी रामकुमार खत्रीले बताएका छन । मतदान गर्न आएका मतदाता मध्ये दुई जनाको परिचय पत्रमा समस्या देखिएकाले मतदान गर्न नपाएको उनले जानकारी गराए ।

वडा अध्यक्षको निर्वाचन शान्तिपूर्वक भएको निर्वाचन अधिकृत हरिबहादुर बुढाथोकीले बताए । वडा अध्यक्षको निर्वाचनका लागि सरस्वती माध्यामिक विद्यालयमा क र ख मतदान केन्द्र अन्तर्गत दुवै मतदानस्थलमा गरी ६१ प्रतिशत मत खसेको उनले जानकारी गराए । उनकाअनुसार कुमाख गाउँपालिका-५ मा विजयी भएका वडा अध्यक्ष हरिप्रसाद बुढाथोकी जिल्ला समन्वय समितिको उपाध्यक्षमा विजयी भएपछि वडा अध्यक्ष पद खाली भएको थियो । जिल्लामा कुमाख गाउँपालिकाको-५ मा मात्र उपनिर्वाचन भएको उनको भनाइ छ ।

उपनिर्वाचनमा नेकपाबाट धर्मे बुढाथोकी, कांग्रेसबाट खडकबहादुर बोहरा र राप्रपाबाट गोपाल शाह उमेदवार रहेका थिए । मतदान सम्पन्न भएकाले आइतबारबाटै मतगनना हुने मुख्य निर्वाचन अधिकृतको कार्यालय सल्यानले जनाएको छ ।

प्रकाशित : मंसिर १४, २०७६ १९:२३
पूरा पढ्नुहोस्
प्रतिक्रिया
पठाउनुहोस्
×