स्थानीय तहको उपनिर्वाचन : धुलिखेल–२ मा ८० प्रतिशत मत खस्यो
काभ्रे — उपनिर्वाचन अन्तर्गत धुलिखेल नगरपालि- २ मा ८०.२ प्रतिशत मत खसेको छ । मतदान अवधि तोकिएको पाँच बजेभित्र कूल १ हजार ८ सय ७७ मतदाता मध्ये १ हजार ५ सय २ जनाले मतदान गरेको मुख्य निर्वाचन अधिकृत पुरुषोतम ढकालले जानकारी दिए ।
७ सय ५८ महिला र ७ सय ४४ पुरुष मतदाताले मतदान गरेरेका छन् । साविक रविओपी गाविस फुटेर बनेको धुलिखेल-२ मा ९ सय ४९ महिला र ९ सय २८ पुरुष मतदाता थिए ।
तत्कालीन वडाअध्यक्ष राजन कोइरालाको रहस्यमय मृत्यु भएपछि रिक्त पदमा निर्वाचन भएको हो । अघिल्लोपटक वडामा विजय हासिल गरेको नेकपाले देवप्रसाद कोइरालालाई उम्मेदवार बनाएको छ । कांग्रेसले अघिल्लो पटक वडा सदस्य पदका उम्मेदवार रहेका दर्णबहादुर खत्रीलाई उठाएको छ । राजपा नेपालको तर्फबाट कृष्णबहादुर तामाङ र राप्रपा (संयुक्त)कोतर्फबाट बासु थापा उम्मेदवार छन् ।
प्रकाशित : मंसिर १४, २०७६ १८:५७