कारागारबाट भागेका कैदी ३४ वर्षपछि पक्राउ

हरिहरसिंह राठौर

धादिङ — चोरी मुद्दामा सजाय पाएर कारागार चलान भएका कैदी कारागारबाट भागेको ३४ वर्ष पछि पुनः पक्राउ परेका छन् । साविस धुवाँकोट–५ निवासी ६९ वर्षीय रामबहादुर भनिने सुब्बा वस्तीलाई जिल्ल अदालत धादिङले चोरी मुद्दामा  २०४१ जेठ ८ गते ३ वर्ष ११ महिना ७ दिन कैद सजाय तोकेर जिल्ला कारागार धादिङ पठाएको थियो ।

तत्कालिन अवस्थामा कारागार भवनको भौतिक कमजोरीको फाइदा उठाई सुब्बासहित ५ जना कैदी कारागारको पर्खाल नाघेर २०४१ मंसीर ६ गते भागेका थिए ।

सुब्बा फरार भए लगत्तै तत्कालिन प्रहरी हवल्दार प्रकाश लामाको जाहेरीले फरार सुब्बा वस्तीलाई जिल्ला अदालतले २०४२ मंसीर १७ गते ५ वर्ष ५ दिन थप कैद हुने ठहर गरी अर्को फैसला सुनाएको थियो ।

‘फरार सूचीमा रामबहादुर भएकोले खोजतलासमा कठिनाई भए पनि अन्ततः सुब्बा वस्तीका नामले नीलकण्ठ नगरपालिका–१ खाल्टेमा बसोबास गरिरहेको अवस्था उनलाई कार्तिक ३० गते पक्राउ गरी जिल्ला अदालतको आदेशले कारागानर चलान गरिएको छ,’ प्रहरी नायव उपरिक्षक रुपक खड्काले भने ।

प्रकाशित : मंसिर २, २०७६ १८:३६
प्रतिक्रिया
पठाउनुहोस्
ADVERTISEMENT

रामेछापको दोरम्बामा जीप दुर्घटना, एकको मृत्यु १० बढी घाइते

टीकाप्रसाद भट्ट

रामेछाप — रामेछापको दोरम्बा गाउँपालिका–१ डडुवाको धारा नजिकै यात्रुवाहक जीप सोमबार साँझ दुर्घटनामा परेको छ । दुर्घटनामा १२ वर्षीय एक बालकको ज्यान गएको छ भने १० जनाभन्दा बढी घाइते भएको उद्धार कार्यमा संलग्न गोकर्ण श्रेष्ठले बताएका छन् । जीपमा १५ जना यात्रु थिए ।

दोलखाको झोरबाट रामेछापको दोरम्बामा पर्ने दहपातालका लागि रिजर्भमा गुडेको उक्त बलेरो सडकबाट करिव २ सय मिटर तल खसेको श्रेष्ठले बताएका छन् । घाइतेहरु मध्ये केहीको अवस्था गम्भिर छ । दुर्घटनास्थलबाट घाइतेहरुको उद्धार गरी उपचारका लागि दोरम्बा स्वास्थ्य चौकीमा पठाउने कार्य भइरहेको स्थानीय कुमार शेर्पाले बताए ।
जिल्ला प्रहरी कार्यालय रामेछापका प्रहरी नायव उपरिक्षक संतोषकुमार भट्टराईका अनुसार दुर्घटनाको जानकारी पाउना साथ दोरम्बा प्रहरी चौकीबाट प्रहरी त्यसतर्फ पठाइएको छ । प्रहरीलाई घटनास्थलमा पुग्न झण्डै १ घण्टा लाग्छ ।
झोरबाट छेवरका लागि ४ वटा गाडी रिजर्भ गरी आउँदै गर्दा सबैभन्दा अघिको गाडी खसेको थियो । दुर्घटनाको कारण खुलेको छैन । भट्टराईले दुर्घटनाको पूर्ण विवरण आउन केही समय लाग्ने बताएका छन् ।

प्रकाशित : मंसिर २, २०७६ १८:३१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×