भीमफेदीको जेलमा पुस्तकालय स्थापना 

क्षेत्रीय कारागार भीमफेदीस्थित ‘क’ बल्कमा पुस्तकालय थिएन । हेटौंडास्थित लायन्स क्लब भुटनदेवीले उक्त ब्लकका बन्दीहरुको आग्रहमा पुस्तकालय स्थापना गरेको हो । उद्घाटन गर्न जेलभित्र छिरेका मुख्यमन्त्री पौडेल,लायन्स क्लवका प्रतिनिधि र सञ्चारकर्मीहरुलाई बन्दीहरुले खुशी भएर स्वागत गरेका थिए ।

‘जेलमा विविध कारणले परिन्छ’ पुस्तकालय सञ्चालक स्वयम्भु गुरुङले भने,‘तर जेलभित्र अध्ययन गर्ने वातावरण बन्दै गयो भने बाहिरी संसारमा जाँदा केही सकारात्मक काम गर्न सकिन्छ ।’

लायन्स क्लब भुटनदेवीले उक्त पुस्तकालयमा २ हजार ५ सय वटा जीवन उपयोगी पुस्तक उपलब्ध गराउनुको साथै किताब राख्ने र्‍याक र एक थान कम्प्युटर पनि उपलब्ध गराएको थियो । उक्त ब्लकमा ५ सय ५२ जना कैदी बन्दीहरु रहेका छन् ।