दुर्घटना रोक्न भाकल
सिन्धुली — कमलामाई नगरपालिकाले दुर्घटना नहोस् भन्दै प्रार्थना गरेर भद्रकाली मन्दिरमा भाकल गरी बोका बलि दिइएको छ । विजयोत्सवको समयमा हुने दुर्घटना टार्नका लागि भाकल बलि दिइएको नगरप्रमुख खत्रीले बताए ।
दुई वर्षअघि विजयोत्सव मनाएर फर्कने क्रममा भद्रकाली मावि निबुटारका विद्यार्थी चढेको ट्र्याक्टर दुर्घटना परेको थियो । विजयोत्सवका लागि गरिने बोका भाकल भने बर्सेनि दसैंको फूलपातीका दिन बलि दिएर बुझाउने गरिएको छ ।
नगर प्रमुख खत्रीले भने, ‘भाकल गरेर बुझाउन थालेपछि दुर्घटना टरेको छ ।’
तत्कालीन समयमा समेत लडाइँ जित्नका लागि नेपाली फौजले भद्रकाली मन्दिरमा भाकल गरी बलि चढाएका थिए ।
प्रतिक्रिया