भ्रमण वर्ष लक्षित गरी धमाधम नयाँ होटल

कान्तिपुर संवाददाता

मकवानपुर — नेपाल भ्रमण वर्ष लक्षित गरेर मकवानपुरको उत्तरी क्षेत्रमा रहेको दामन–पालुङमा धमाधम नयाँ होटल खुल्न थालेका छन् । विशेषगरी विदेशबाट फर्किएका युवाहरूले होटलमा लगानी गरेको थाहानगर होटल एसोसिएसनका अध्यक्ष शिवकुमार खत्रीले बताए । दामन–पालुङ घुम्न आउने पर्यटकको संख्या बढ्न थालेपछि यहाँको होटल व्यवसाय फस्टाएको उनको भनाइ छ । ‘यहाँका अधिकांश होटलले भौतिक पूर्वाधार निर्माणदेखि सेवा प्रवाहसम्मलाई नयाँपन दिन खोजेका छन्,’ उनले भने ।

अहिले दामन–पालुङ क्षेत्रमा घुम्न आउने तेस्रो मुलुकका पर्यटकको संख्या घटे पनि स्वदेशी भने बढेका छन् । ‘विशेषगरी भारतीय पर्यटक बढी आउने गरेका छन्,’ थाहा नगरपालिकाका मेयर लवशेर विष्टले भने । हाल दामन–पालुङ क्षेत्रमा सानाठूला गरी ६५ वटा होटल तथा लज सञ्चालनमा छन् ।

प्रदेश ३ सरकारले त्यस क्षेत्रलाई पर्यटकीय क्षेत्र घोषणा गरे पनि भौतिक पूर्वाधारको काममा भने चासो नदेखाएको थाहानगर उद्योग वाणिज्य संघका महासचिव सुरेन्द्रमान प्रधान बताउँछन् । प्रदेश सरकारले अघिल्लो वर्ष ‘घुम्न जाऔं दामन’ वर्ष घोषणा गरे पनि भौतिक पूर्वाधार निर्माण तथा प्रचारप्रसारका लागि केही काम नगरेको स्थानीय व्यवसायीको गुनासो छ ।

दामनबाट १५ वटाभन्दा बढी हिमाल देखिन्छन् । हिमाल हेर्न सहज होस् भनेर भ्युटावरसमेत निर्माण गरिएको छ ।

प्रकाशित : कार्तिक २३, २०७६ ०९:०५
ADVERTISEMENT
प्रतिक्रिया
पठाउनुहोस्
ADVERTISEMENT

अस्पतालमै आत्महत्या

रमेशकुमार पौडेल

चितवन — भरतपुरको सरकारी अस्पतालमा शुक्रबार राति झुण्डिएको अवस्थामा एक युवकको शव फेला परेको छ । 

लमजुङ दूधपोखरी गाउँपालिका–२ का २३ वर्षीय विष्णुबहादुर सुनारले अस्पतालको मेडिकल वार्डको भर्‍याङमा झुण्डिएर आत्महत्या गरेको चितवन जिल्ला प्रहरी कार्यालयले जानकारी दिएको छ । उनले आफूसँग भएको लामो खाले रुमालेको पासो लगाएको प्रहरीले बताएको छ ।
सुनार श्रीमतीको उपचारका लागि अस्पताल आएका थिए । डेढ महिनाअघि उनकी श्रीमतीले बच्चा जन्माएकी थिइन् । सुत्केरी श्रीमती बिरामी भएपछि सुनार अन्य दुईजना अभिभावकहरुका साथ उपचारका लागि भरतपुर अस्पताल आएका थिए ।

सुनारको आत्महत्या सम्बन्धमा विस्तृत सोधखोज र अनुसन्धान बाँकी रहेको चितवन जिल्ला प्रहरी कार्यालयका प्रहरी नायव उपरीक्षक डिएसपी शालिग्राम पौडेलले बताए ।

प्रकाशित : कार्तिक २३, २०७६ ०८:५७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT