सिलिण्डर बम विस्फोट

हरिहरसिंह राठौर

धादिङ — छिमेकी भारतले नेपाली भूभाग मिचेको विरोधस्वरुप एक हप्ते कार्यक्रम घोषणा गरेको नेत्रविक्रम चन्द समूहले बिहीबार बिहान सिलिण्डिर बम विस्फोट गराएको छ । आफ्नो पकड रहेको वस्ती सिद्धलेक-६ सिम्लेमा बिहानै सिलिण्डर बम विस्फोट गराइएको थियो ।

बिहीबार मसाल जुलुस गरेर भारतीय अतिक्रमणविरुद्ध विरोध कार्यक्रमको देशभर थालनी गर्ने कार्यक्रम सार्वजनिक गरेको समूहका जिल्लास्थित कार्यकर्ता प्रहरीले नियन्त्रणमा लिइसकेको छ ।

गत भदौ ३१ गते धादिङ सिमाना पिपलामोडबाट प्रतिबन्धित समूहका जिल्ला सेक्रेटरी बुद्ध गुरुङलाई प्रहरीले पक्राउ गरेको थियो । सेक्रेटरी बुद्धका नाममा विभिन्न मितिमा विभिन्न विस्फोट, सवारीसाधनहरुमा आगजनी, एनसेलका विभिन्न टावरहरुमा आगजनी, जबरजस्ती चन्दा संकलनको आरोपमा पक्राउ परेका गुरुङलाई गत ७ गते एक लाख रकमको धरौटीमा रिहा गरिएको थियो ।

विस्फोटमा कुनै मानवीय क्षति नभएको घटनास्थल पुगेका जिल्ला प्रहरी प्रमुख राजकुमार वैदवारले जनाए ।

प्रकाशित : कार्तिक २१, २०७६ १२:३०
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बारामा स्थानीय र प्रहरीबीच झडप 

लक्ष्मी साह

(बारा) — कलैया उपमहानगरपालिका–१५, बकुलहर गाउँमा स्थानीयबासिन्दा र प्रहरीबीच बुधवार राति झडप भएको छ । झडपले उग्ररुप लिएपछि त्यसलाई नियन्त्रणमा लिन प्रहरीले सात राउन्ड अश्रु ग्यास प्रहार गरेको छ । झडपमा दुवैतर्फ केही घाइते भएका छन् ।

केही दिन अघि जिल्ला प्रशासन कार्यालयमा दुई पक्षबीच भएको सहमति कार्यान्वयन नभएपछि प्रहरीले छठ घाटको छठी माताको माटो र ईंटले बनाइएको पिंड उठाउन जाँदा झडप भएको हो । हिन्दू र मुस्लिम समुदायबीच छठी माताको पिंड गत १९ गते (छठपछि) उठाउने सहमति थियो । त्यही छठ घाट नजिक मुस्लिम समुदायको कबरगाह (मसानघाट) पनि छ ।
झडपमा प्रहरी निरिक्षक रुद्रबहादुर शाहीसहित केही सुरक्षाकर्मीलाई स्थानीयले गरेको ढुंगा प्रहारबाट चोटपटक लागेको प्रहरी नायब उपरिक्षक रञ्जितसिंह राठौरले बताए । त्यसैगरी प्रहरीलाई घेरा हालेका स्थानीयमाथि प्रहरीले लाठी प्रहार गर्दा केही महिलासहित स्थानीयहरुसमेत घाइते भएको स्थानीय सामाजिक अगुवा मदन सहनीले बताए ।

‘पिंड उठाउने विवाद भएपछि उक्त पिंड वडा कार्यालय १५ मा राखिएको छ,’ प्रहरी नायब उपरिक्षक राठौरले भने, ‘गाउँमै बसेर विवाद मिलाउने सहमति भउपछि पिंड त्यहाँ राख्यौ ।’

प्रकाशित : कार्तिक २१, २०७६ १२:२५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT