नेवारी भाइटीकामा बिदा माग

पञ्चांग निर्णायक समितिको पात्रोअनुसारको तिहारको भाइटीका कात्तिक १२ मा परेको छ भने नेवार समुदायको पात्रोअनुसार भाइटीका कात्तिक १३ मा परेको छ । सरकारले कात्तिक १२ गतेको भाइटीकाका दिन सार्वजनिक बिदा दिएको छ तर नेवार समुदायको भाइटीकाको दिन भने बिदा दिइएको छैन । नेवार समुदायको पात्रोअनुसार कात्तिक १२ मा ‘म्हःपूजा’ र १३ गते भाइटीका परेको छ ।

प्रदेश ३ का नेकपाका प्रदेशसभा सदस्य राजेश शाक्यले उपत्यकाका जनप्रतिनिधिहरूले प्रधानमन्त्रीलाई भेटी नेवार समुदायको भाइटीकाको दिनसमेत बिदा दिन माग गरेको जानकारी दिए । आफूहरूसितको छलफलका क्रममा प्रधानमन्त्री ओलीले नेवार समुदायका पर्व र धार्मिक परम्पराप्रति आफू गम्भीर रहेको उल्लेख गर्दै भाइटीकाका दिन बिदा दिने आश्वासन दिएको उनले बताए ।