विवादबीच नेकपा काभ्रेको शपथ

नगेन्द्र अधिकारी

काभ्रे — एकता सुरु भएको डेढ वर्षपछि पनि विवादबीच नेपाल कम्युनिष्ट पार्टी (नेकपा) जिल्ला कमिटी काभ्रेको शपथ गरिएको छ । पूर्वमाओवादीतर्फ सहमति जुट्न नसकेपछि २ महिला सदस्यको नाम हटाएर १ सय २६ सदस्यीय जिल्ला कमिटीलाई शपथ ग्रहण गराइएको हो । प्रदेश कमिटीबाट नाम अनुमोदन भइसकेका सावित्री थपलिया र जमुना सापकोटालाई जिल्ला कमिटी सदस्यको जिम्मेवारीबाट हटाइएको हो ।

थपलियाले उपस्थित नेता कार्यकर्ताकै अगाडि आफ्नो नाम हटाइएको बारे प्रश्न गरेकी थिइन् । उनको सुनुवाई नै नगरी शपथ अगाडि बढाइएको थियो । शपथ ग्रहणमा उनी सहभागी भए पनि जिल्ला कमिटीमा उनी रहने छैनन् ।

सापकोटाले पार्टीको लागि एकपटक त्याग गरेको बताइन् । तत्कालीन जिल्ला संयोजक रुकु चौलागाई र पोलिट्व्युरो सदस्य सूर्यमान दोङले आफ्ना पक्षका मान्छे बढी सिफारिस गरेको भन्दै तत्कालीन पोलिट्व्युरो सदस्य गंगाबहादुर दोङ पक्ष असन्तुष्ट थियो । जिल्ला कमिटीको शपथ बहिष्कार गर्ने तयारी गरेपछि छलफलबाट टुंगाइएको हो ।

पूर्व माओवादीको तर्फबाट ६५ र पूर्व एमालेको तर्फबाट ६३ गरी १२८ सदस्यीय जिल्ला कमिटी प्रदेशले अनुमोदन गरेको थियो । विवादका कारण पूर्व एमालेको भागमा परेका थप १५ जना र पूर्व माओवादीका तर्फबाट थप ५ को नाम टुंगो लागेको छैन । पूर्व एमालेले अघिल्लो अधिवेशनबाट निर्वाचित जिल्ला कमिटीलाई नै सिफारिस गरेको थियो ।

नेकपा प्रदेश इञ्चार्ज अष्टलक्ष्मी शाक्यले शपथ खुवाएकी थिइन् । प्रदेश सहइञ्चार्ज हितमान शाक्य, हितबहादुर तामाङ, काशिनाथ अधिकारी, प्रदेश अध्यक्ष नारायण दाहाल, सचिव आनन्दप्रसाद पोखरेल, जिल्ला इञ्जार्जसमेत रहेका सञ्चार तथा सूचना प्रविधिमन्त्री गोकुलप्रसाद बाँस्कोटा लगायत उपस्थित थिए । जिल्ला अध्यक्ष पूर्व माओवादीको तर्फबाट रुकु चौलागाई र सचिव पूर्व एमालेको तर्फबाट टोकबहादुर वाइबा छन् ।

प्रकाशित : कार्तिक २, २०७६ १६:०२
प्रतिक्रिया
पठाउनुहोस्
ADVERTISEMENT

धो तरापकी 'बाइकवाली'

अब्दुल्लाह मियाँ

समुद्र सतहबाट झन्डै चार हजार तीन सय मिटर उचाइ । अग्ला हिमशृंखलाले घेरिएको समथर धो तराप । दायाँतिर सुस्तरी बगेको धो खोला । कलाङ, धो, ताक्सी, सिमेन्ट, तिन्जे, पोल्दे, छार्कालगायतका स्थानमा माटाले छाएका सुन्दर घर । सिस्योल खोलादेखि तिब्बतको सीमासम्मै सरर चल्छन् तीन सय ५० भन्दा बढी मोटरसाइकल ।

एक बस्तीबाट अर्को बस्ती होस् या भेडीगोठ जान, स्कुलमा बच्चा पुर्‍याउन मोटरसाइकल मुख्य साधन बनेको छ । ताक्सीकी ३३ वर्षीया पेमा हाम्जोको दिनचर्या मोटरसाइकलबाटै सुरु हुन्छ । तिब्बती नाका मरिम लाबाट सामान ओसार–पसार गर्न र गाउँ घुम्न वा पाहुना बोक्न पेमाको यातायातको साधन मोटरसाइकल नै हो । उनका श्रीमान् छेप्तेन गुरुङको पनि अलग्गै मोटरसाइकल छ ।


बुद्धडोल्पो गाउँपालिकाभित्रका आधा दर्जन गाउँमा मोटरसाइकल गुडिरहेका छन् । सबै चिनियाँ । चिनियाँहरूलाई यार्चागुन्बु बेचेर किनिएका हुन् । मोटरसाइकल हाँक्नेहरू अधिकांश पुरुष । यी सबै अगस्टमा खुल्ने मरिम लाबाट भित्र्याइएका हुन् । सुन्दर धो तराप उपत्यकाभरिका गाउँहरूमा मोटरसाइकल हाँक्ने पेमा एक्ली महिला हुन् । ‘दुई वर्ष भयो मोटरसाइकल चलाउन थालेको’ ताक्सीमा होटलकी मालिक्नी पेमा भन्दै थिइन, ‘चलाउँदाचलाउँदै सिकियो, अहिले सजिलो भएको छ ।’


पेमासँग मात्र होइन मोटरसाइकल चलाउने कोहीसँग लाइसेन्स छैन । यहाँ ‘चेक गर्ने’ पनि कोही छैन । सुरुमा महिलाले मोटरसाइकल चलाएको देखेर केहीले कुरा पनि काटे । उनी भने बेपरबाह हाँकिरहेकी छन् । तीन वर्षयता धो तरापका सबै घरमा मोटरसाइकल छन् । कतिपयले घोडा बेचेरसमेत मोटरसाइकल किनेका छन् । गाउँ डुल्न, नाका जान र गोठ जान घोडा प्रयोग गर्नेहरू घटेका छन् ।

प्रकाशित : कार्तिक २, २०७६ १६:००
पूरा पढ्नुहोस्
प्रतिक्रिया
पठाउनुहोस्
ADVERTISEMENT