हराएका पर्यटक मृत भेटिए

कान्तिपुर संवाददाता

रसुवा — गोसाइकुण्ड गाउँपालिका–१ नाकथलीबाट हराएका दुई विदेशी पर्यटकमध्ये एक मृत भेटिएका छन् । उनीहरू असोज १ गतेदेखी बेपत्ता भएका हुन् । नेदरल्याण्ड्सका नागरिक २७ वर्षीय थोमस व्यक्स मृत भेटिएका हुन् ।

उनीसहित दक्षिण कोरियाका ४२ वर्षीय नागरिक जिसङ चाङ पनि हराएका थिए । थोमसको शव गोसाईकुण्ड गाउँपालिका–१, रिछरको जंगलमा फेला परेको जिल्ला प्रहरी कार्यालयले रसुवाले जनाएको छ । नाकथलिबाट असोज १ देखि दुवै जना सम्पर्कविहीन भएको स्याफ्रुबेंसीस्थित पर्यटक प्रहरीका सई रामप्रकाश अधिकारीले बताए ।

अधिकारीका अनुसार उनीहरूले भदौ २७ मा स्याफ्रुबेंसीमा एक साताका लागि तामाङ सम्पदा मार्ग घुम्न जाने बताएका थिए । बेपत्ता पर्यटक खोजीका लागि एउटा हेलिकप्टर र तीनवटा तालिम प्राप्त कुकुर परिचालन गरिएको थियो । थप सनाखत र अनुसन्धानका लागि सीमा प्रहरी चौकी टिमुरेबाट प्रहरी निरीक्षकको कमाण्डमा ५ जना थप प्रहरी टोली सिम्रिक एयरको हेलिकप्टरमार्फत घटना स्थल पुगेको छ । हराइरहेका चाङको खोजी भइरहेको प्रहरीले जनाएको छ ।

प्रकाशित : आश्विन १९, २०७६ ०७:३५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

लिभरपुलको शतप्रतिशत नतिजा कायम

(एजेन्सी)

लन्डन — इंग्लिस प्रिमियर लिगमा लिभरपुलले शनिबार राति आफ्नो शतप्रतिशत सुरुआतलाई कायम राख्यो । यसले एनफिल्डमा भएको खेलमा लेस्टरलाई २–१ ले हरायो ।

जेम्स मिल्नरले खेलको अन्तिम क्षणमा पेनाल्टीबाट निर्णायक गोल गरे । लिभरपुलको यो लगातार ओठौं जित हो । शनिबार रातिको अर्को खेलमा वेस्ट ह्याम घरमा क्रिस्टल प्यालेसको हातबाट २–१ ले पराजित रह्यो ।

यसअघि टोटनहमको खराव लय कायम रह्यो र उसलाई ब्राइटनले ३–० ले स्तब्ध पारेको थियो ।

प्रकाशित : आश्विन १९, २०७६ ०७:३५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT