दसैंका यात्रु सवार मिनी बस सिन्धुलीमा दुर्घटना, ३ को मृत्यु, २५ घाइते

राजकुमार कार्की

सिन्धुली — जिल्लाको सुनकोसी गाउँपालिका १ स्थित बीपी राजमार्गको दुम्जामा मिनी बस दुर्घटना हुँदा ३ जनाको मृत्यु भएको छ भने २५ घाइते भएका छन् । 

दसैंका यात्रु लिएर काठमाडौंबाट सिराहा जाँदै गरेको बा ३ ख २३५९ नम्बरको मिनि बस काभ्रे र सिन्धुलीको सिमानामा दुम्जा नेपालथोक नजिक दुर्घटनामा परेको हो । दुर्घटनामा मृत्यु हुनेमा सिरहा इनरुवा ८ का ३५ वर्षीय रामअवतार पण्डित, सप्तरी राजविराज ७ की लक्ष्मी देव र ठेगाना नखुलेका अन्दाजी ४० वर्षीय दलबहादुर श्रेष्ठ रहेका प्रहरी उपरीक्षक चक्रबहादुर सिंहले जानकारी दिए ।

घाइतेमध्ये ५ को अवस्था जटिल छ । उनीहरुलाई उपचारका लागि धुलिखेल पठाइएको छ ।

तीव्रगतिका कारण अनियन्त्रित भइ दुर्घटना भएको प्रहरीको प्रारम्भिक अनुमान छ ।

प्रकाशित : आश्विन १८, २०७६ १६:२७
प्रतिक्रिया
पठाउनुहोस्

गजेन्द्रले जिते मौलाकालिका दौड

रमेशकुमार पौडेल

चितवन — नारायणगढ लायन्स लियो क्लबले आयोजना गरेको २० औं मौलाकालिका खुला शान्ति दौडको विजेता सिराहाका गजेन्द्र राई बनेका छन् ।

शनिबार नारायणगढको लायन्सचोकदेखि गैंडाकोटको मौलाकालिका मन्दिरसम्मको दूरी २५.४० मिनेटमा पार गर्दै राईले उपाधिसहित १५ हजार रुपैयाँ पुरस्कार हात पारे । त्यस्तै उक्त दूरी २५.५० मिनेटमा पार गरी भोजपुरका सबिन तामाङ दोस्रो भए । तेस्रो भएका जुम्लाका वीरेन्द्र रावलले त्यो दूरी २७.१० मिनेटमा पार गरे । दोस्रो सविनले १० हजार रुपैयाँ र तेस्रो भएका रावलले पाँच हजार रुपैयाँ पुरस्कार प्राप्त गरे ।

यस्तै चौथोदेखि दसौं स्थान हासिल गरेका ७ जनाले नगद एक/एक हजार रुपैयाँको सान्त्वना पुरस्कार पाए । उनीहरुलाई लायन्स इन्टरनेशनल डिष्ट्रिक्ट ३२५ बी टु का द्वितीय गर्भनर रामप्रसाद भट्टले पुरस्कार प्रदान गरे ।

नारायणगढ लायन्स क्लब र लियो क्लब अफ नारायणगढले प्रत्येक वर्ष फूलपातीको दिन खुल्ला शान्ति दौड प्रतियोगिता आयोजना गर्दै आएको छ । देशमा शान्ति र सुख छाओस् भनेर २०५५ सालदेखि दौड प्रतियोगिता सुरु गरिएको आयोजकको भनाइ छ ।

प्रकाशित : आश्विन १८, २०७६ १६:१८
पूरा पढ्नुहोस्
प्रतिक्रिया
पठाउनुहोस्