धादिङ बस दुर्घटना : घाइते सबैलाई काठमाडौं पठाइयो
धादिङ — जिल्लाको नीलकण्ठ नगरपालिका सिमाना नेत्रावती डबजोङमा बस पल्टिँदा घाइते भएकाहरुलाई काठमाडौं पठाइएको छ ।
जिल्ला अस्पताल धादिङमा उपचार हुन नसकेपछि घाइते ५ जनालाई नै एम्बुलेन्समार्फत काठमाडौं लगिएको हो । घाइते हुनेहरुमा कटुन्जे हुलाक गाउँका दलबहादुर तामाङ, हस्तकुमारी तामाङ, लक्ष्मी तामाङ, कान्छी तामाङ, चन्द परियार छन् ।
सहचालकले चलाउँदा आइतबार बिहान बा ४ ख ५७९३ नंबरको बस डबजोङ ५ केराम्जामा पल्टिएको थियो । बसमा ७ यात्रु थिए ।
............
नेत्रावती सेम्जोङ्गबाट धादिङबेंसी हुँदै काठमाडौं जान लागेको बस नीलकण्ठ नगरपालिका सीमाना नेत्रावती डबजोङ ५ केराम्जामा पल्टँदा चालकसहित ५ जना घाइते भएका छन् ।
आइतबार बिहान बा ४ ख ५७९३ नंबरको बस ७ यात्रु राखेर काठमाडौंका लागि छुटेको बस उकालो चढ्ने क्रममा २० मिटर तल धानबारीमा पुगेको हो । दुर्घटना भएको बस सहचालकले चलाएको टोड्केस्थित प्रहरीले जनाएको छ । घाइते हुनेहरुमा कटुन्जे हुलाक गाउँका दलबहादुर तामाङ, हस्तकुमारी तामाङ, लक्ष्मी तामाङ, कान्छी तामाङ, चन्द परियार रहेका नेत्रावतीका स्वास्थ्य संयोजक कृष्णवद्री पौडेलले बताए ।
घाइतेहरुलाई थप उपचारका लागि जिल्ला अस्पताल धादिङ ल्याइएको छ । सहचालकलाई बस चलाउन दिने घाइते चालक सरोज श्रेष्ठलाई प्रहरीले नियन्त्रणमा लिएको छ । दुर्घटना गराउने सहचालक फरार छन् ।