संविधान दिवसमा नुवाकोटमा प्रभातफेरी
नुवाकोट — संविधान दिवस अवसरमा प्रभातफेरी निकालिएको छ । संविधान दिवस समारोह समितिको आयोजनामा शुक्रबार त्रिशूली पुरानो बसपार्कबाट बाजागाजा, भजन, लाखेनाचसहित भएको प्रभातफेरी ऱ्यालीले त्रिशूली बजार, ढुंगे, विदुर परिक्रमा गरेको थियो । र्यालीपछि जिसस प्रांगण कोणसभामा गरिएको थियो ।
कोणसभामा संविधान मूल कानुन भएकाले सबैले पालना गर्नुपर्ने वक्ताहरुले जोड दिए । प्रभातफेरीमा विद्यार्थी, समाजसेवी, नागरिक समाज, पत्रकार, दलका प्रतिनिधि, सरकारी कार्यालयका पदाधिकारी लगायत उपस्थित थिए ।
उक्त अवसरमा राष्ट्रसेवक कर्मचारी र जनप्रतिनिधिबीच भएको मैत्रीपूर्ण फुटबल खेलमा विजयी राष्ट्रसेवक कर्मचारीलाई ट्रफी र प्रमाणपत्र प्रदान गरिएको थियो । दुप्चेश्वर गाउँपालिकाले संविधान दिवसको अवसरमा भलिबल खेलाएको थियो ।
प्रतिक्रिया
