पहिरोले अरनिको र बीपी राजमार्ग अवरुद्ध, पाँचखालमा घर भत्किएर बालक पुरिए
काभ्रे — पहिरोका कारण अरनिको राजमार्ग, बीपी राजमार्ग अवरुद्ध भएका छन् । बीपी राजमार्गको लास्कोट र अरनिको राजमार्गको दोलालघाट ५४ किलो, ३७ किलो लगायतका स्थानमा पहिरो खसेर यातायात अवरुद्ध भएका हुन् । त्यस्तै अरनिको र हेलम्बु मार्गमा समेत पहिरो झरेको छ ।
पहिरोले यातायात नचल्दा यात्रु मर्कामा परेका छन् । केही क्षेत्रमा पहिरो हटाउने कार्य थालिएको प्रहरीले जनाएको छ ।
यसैबीच पाँचखाल ४ मा पहिरो जाँदा मन्डन देउपुर ११ निवासी रोजन लामाको ४ वर्षका छोरा सजन लामा घर भत्किएर पुरिएका छन् । सुतिरहेको बेला घर भत्किएको हो ।
लामा उक्त स्थानमा होटल सञ्चालन गर्दै आइरहेका थिए ।