काभ्रेमा डेंगुका ६ बिरामी

६ जना स्क्रब टाइफसका बिरामीको पनि धुलिखेल अस्पतालमा उपचार भइरहेको छ । बीपी र अरनिको राजमार्ग काभ्रे हुँदै जाने, उपत्यकासँग जोडिएको र लामखुट्टेका लागि उपयुक्त तापक्रमसमेत भएकाले काभ्रे डेंगु संक्रमणको उच्च जोखिममा छ ।

झाका अनुसार, जिल्लाका १३ वटै स्थानीय तहमा ‘खोज तथा नष्ट गर’ र जनचेतना अभियान गर्न पत्रचार गरिएको छ । पनौती, पाँचखाल, मण्डनदेउपुर र बनेपा नगरपालिकाको १० नं वडामा खोज तथा नष्ट गर्न अभियान थालिएको पनि उनले जानकारी दिए ।

‘सीमित स्रोत र साधनको बाबजुद अभियान सञ्चालन गरिरहेका छौं,’ प्रमुख झाले भने, ‘यसका लागि सबै पक्ष सहभागी हुनु जरुरी छ, प्रत्येक नागरिक सचेत नभएसम्म यो नियन्त्रण हुँदैन ।’ डा. झाले जम्ने सफा पानी, टायर तथा प्लास्टिकजन्य पदार्थमा लामखुट्टेले बच्चा जन्माउने र संक्रमित लामखुट्टेले टोकेमा संक्रमण फैलने भएकाले सचेत रहन सबैमा अनुरोध गरे ।