लिदी भीरबाट ढुंगा खस्दा एकको मृत्यु, ७ घाइते 

क्याम्पको जस्तापाता फोडेर आएको ठूला ढुंगाले लागेर घाइते जुगल गाउँपालिकाको गुम्बा र बराईपालका ७ जना घाइतेलाई धुलिखेल अस्पताल लगिएको जिल्ला प्रहरी कार्यालयले जनाएको छ ।

उनीहरु भीरक्षेत्रमा जोखिम मोलेर जलविद्युतको काम गर्दै आएका थिए । जिल्ला प्रहरी कार्यालयका प्रहरी नायब उपरीक्षक माधवप्रसाद काफ्लेका अनुसार बर्दिया बराईपाल–१ का ४८ वर्षीय अमरबहादुर मगरको हातमा र बराईबासीका माउतलाल टमाटाको टाउकोमा सामान्य चोट लागेको छ ।

त्यस्तै जुगल–३ गुम्बाका २५ वर्षीय ठूलोकान्छा लामा, सुरेश लामा र लिदीका सिराराम दोङको बाँया खुट्टामा चोट छ । जुगलका २६ वर्षीय अर्जुन लामाको दाँया र लिदी पाङ्गारकै २१ वर्षीय सागर लामाको बाँया खुट्टामा चोट लागेको छ ।