बीपी राजमार्ग एकतर्फी खुल्यो

नगेन्द्र अधिकारी

काभ्रे — शनिबार दिउँसोभरीको प्रयासपछि बीपी राजमार्गको काभ्रेतर्फको सडकखण्ड एकतर्फी खुलाइएको छ । जिल्ला प्रहरी कार्यलय काभ्रे माफर्त ५ वटा डोजर र  सूर्यविनायक-धुलिखेल, धुलिखेल-सिन्धुली-बर्दिवास आयोजनाका २ वटा डोजरले राजमार्गमा खसेको लेदो र पहिरो हटाएपछि एकतर्फी सञ्चालनमा आएको जिल्ला प्रहरी प्रमुख एसपी जयराज सापकोटाले जानकारी दिए । 

रोशी गाउँपालिकाको मंगलटारमा खहरे खोलाले पुरेको बा१६प ३५४९ नम्बरको कार पनि प्रहरीको सहयोगमा निकालिएको थियो । कालढुंगाको भ्याकुरे र माम्ती खोलामा पानीको सतह बढेका कारण साना सवारी साधनलाई ओहोरदोहोर गर्न केही असहज भएपनि ठूला सवारीसाधन चल्न थालेको सापकोटाले जानकारी दिए ।


अरनिको राजमार्ग भने नियमित सञ्चालनमा छ । जिल्लाका ग्रामिण भेगको यातायात भने पूर्ण रुपमा ठप्प छ ।

यसैबीच रोशी-११ स्थित भिमेश्वर स्कुलको ग्याविन बाल भत्कँदा नजिकै टहरामा सुतिरहेकी ६५ वर्षीया कृष्णदेवी रायमाझीको मृत्यु भएको छ। परिवारका अन्य सदस्य अर्को घरमा भएकोले बाँचेका छन्। सुरक्षित हुने भन्दै उनी घर भन्दा ५०० मिटर दुरीमा रहेको टहरामा सुत्दै आएकी थिइन्।


प्रकाशित : असार २८, २०७६ १७:०३
ADVERTISEMENT
प्रतिक्रिया
पठाउनुहोस्
ADVERTISEMENT

सुख्खा पहिरोले मोटरसाइकल बगाउँदा एकको मृत्यु [अपडेट] 

माधव अर्याल

पाल्पा — सिद्धार्थ राजमार्ग अन्तर्गत तिनाउ गाउँपालिका–३ हेडबक्स नजिकै खसेको सुख्खा पहिरोले बगाउँदा निस्दी गाउँपालिका–४ मित्यलाका ३१ वर्षीय धनबहादुर सुनारी मगरको मृत्यु भएको छ ।  

लु ५० प ४६७१ नम्बरको मोटरसाइकलमा बुटवलबाट निस्दी जानेक्रममा दोभान प्रहरी चौकी र सिद्धबाबाकोबीच भाग हेडवक्समा माथिबाट ठुला ढुंगासहितको सुख्खा पहिरो खस्दा धनबहादुर सहित मोटरसाइकललाई बगाएको प्रहरी उपरीक्षक दीपेन्द्र जीसीले जानकारी दिए।

धनबहादुरको शव पहिरोमा च्यापिएको थियो। प्रहरीले डोरीको सहयोगमा शव निकालेको थियो।

शवलाई लुम्बिनी प्रादेशिक अस्पताल बुटवलमा पोस्टमार्टमका लागि लगिएको छ। सुख्खा पहिरो गएपछि सिद्धार्थ राजमार्ग अवरुद्ध भएको छ।

शनिबार अबेरसम्म बुटवल र पाल्पातर्फबाट डोजर लगाएर सुख्खा पहिरोका ढुंगा हटाउने प्रयास भइरहेको छ। मोटरसाइकल र शव निकाल्दा पहिरो पन्छाउन नमिलेकाले राजमार्गको पहिरो पन्छ्याउन समस्या भएको प्रहरीले जनाएको छ।

प्रकाशित : असार २८, २०७६ १६:५५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×