३ दिनपछि शव फेला

कान्तिपुर संवाददाता

नुवाकोट — तादी गाउँपालिका २ स्थित घट्टेखोला तर्ने क्रममा तीन दिनअघि बेपत्ता दुई किशोरमध्ये एकको शव फेला परेको छ । तादी गाउँपालिका २ चिलाउने गाउँका देवकृष्ण तामाङको शव डेढ किलोमिटर तल बनखोटे खोलाको किनारमा फेला परेको जिल्ला प्रहरीका एसपी कृष्णबहादुर पल्लीमगरले बताएका छन् । बेपत्ता सोही वडाका विनोद तामाङ फेला परेका छैनन् । 

प्रतिकात्मक तस्बिर ।

यसैबीच, शुक्रबार राति अबिरल वर्षा कारण सूर्यगढी४ स्थित दारमेमा कच्ची सडकबाट झरेको भलपानी पसेर दुई घरमा अन्नपात र लत्ताकपडामा क्षति पुगेको छ । मुग्ली भट्टराई र अर्जुन भट्टराईको घरमा भल पसेर अन्तपातमा क्षति पुगेको हो ।

प्रकाशित : असार २२, २०७६ ०८:२०
प्रतिक्रिया
पठाउनुहोस्
ADVERTISEMENT

कम्बोडिया र भियतनामबाट पर्यटक न्यून

कान्तिपुर संवाददाता

काठमाडौँ — प्रधानमन्त्री केपी शर्मा ओलीले पर्यटन प्रवर्द्धन गर्ने भन्दै गत वैशाखमा भियतनाम र कम्बोडिया भ्रमण गरे पनि यी देशबाट नेपाल आउने पर्यटकको संख्या अत्यन्त थोरै पाइएको छ । भियतनामका प्रधामन्त्रीको निम्तोमा ओली वैशाख २६ गते भियतनाम र ३० गते कम्बोडिया पुगेका थिए ।

प्रधानमन्त्रीले हनोईमा आयोजित नेपाल–भियतनाम व्यावसायिक फोरममा सम्बोधन गर्दै नेपालको पर्यटन प्रवर्द्धन तथा लगानीबारे चर्चा गरेका थिए ।

२०७५ पुस १३ गते मन्त्रिपरिषद्ले नेपाल र कम्बोडियाबीच कूटनीतिक तथा सरकारी राहदानीवाहकहरूलाई प्रवेशाज्ञा छुट दिनेसम्बन्धी सम्झौता गर्न परराष्ट्रमन्त्री, परराष्ट्र सचिव वा सहसचिव, दक्षिणपूर्व एसिया तथा प्रशान्त महाशाखा, परराष्ट्र मन्त्रालयलाई अख्तियारी प्रदान गर्ने निर्णयसमेत गरेको थियो ।

पुस २९ को मन्त्रिपरिषद्ले कम्बोडियामा आयोजना हुने संस्कृतिसम्बन्धी कार्यक्रममा सहभागिता जनाउन संस्कृति, पर्यटन मन्त्रालयका प्रतिनिधि पठाउने निर्णय पनि लिएको थियो । प्रधानमन्त्रीको भ्रमणअगावै गरिएको यस्तो निर्णयको अर्थ थियो, कम्बोडिया र भियतनामसँग सम्बन्ध बढाउनु र त्यहाँंका पयर्टक ल्याउनु । तर अपेक्षा गरेजस्तो पर्यटक आएनन् । अध्यागमन विभागका अनुसार वैशाख १८ देखि जेठ १७ को अवधिमा ६६ हजार १ सय ६३ जना विदेशी नेपाल आए, जसमा कम्बोडियाली ४१ जना र भियतनामी ४ सय ९ जना छन् । जेठ १८ देखि असार १५ सम्म ६१ हजार ३ सय ५१ जना विदेशी नेपाल आएकामा कम्बोडियाली १६ जना र भियतनामी ३ सय ८६ जना छन् ।

प्रकाशित : असार २२, २०७६ ०८:१२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT