पृथ्वी राजमार्ग ९ घन्टादेखि अवरुद्ध
धादिङ — भारतको राजस्थानबाट मार्बल बोकेर आएको १८ चक्के ट्रक नौबिसे खत्री पौवा नजिक बिग्रिएपछि ९ घण्टादेखि राजमार्ग अवरुद्ध छ ।
खानीखोलास्थित इलाका प्रहरी चौकीका प्रहरी निरीक्षक उद्धव पोखरेलका अनुसार करिब ५० टन मार्बल बोकेर ल्याएको आरजे ३२ जीसी ००४३ नम्बरको ट्रक मोडमा बिग्रेपछि राजमार्ग अवरुद्ध भएको हो । मर्मतमै समय लाग्ने र अत्यधिक भारको ट्रक तान्ने उपकरण नभएपछि मार्बल झारेर यातायात व्यवस्थापन गर्ने तयारी रहेको प्रहरीले बताएको छ ।
प्रकाशित : असार १९, २०७६ १३:२२