इन्द्रसरोवरमा युवक बेपत्ता
(हेडौंडा) — कुलेखानी जलाशयको इन्द्रसरोवरमा डुवेर एक युवक बेपत्ता भएका छन् । जेभिएर ईन्टरनेशनल कलेज काठमाडौंको विएस डब्ल्यु प्रथम वर्षमा अध्ययनरत २४ वर्षीय स्वराज भेटवाल आइतबार दिउँसो सरोवरमा पौडी खेल्ने क्रममा बेपता भएका हुन ।
उनको खोजीमा प्रहरी र स्थानीयवासी जुटेका छन् । युवक सरोवरको तल्लो भागको माटोमा फसेको आशंका गरिएको छ ।
उनीसँगै ४ जना साथीहरु सरोवरमा गएका थिए ।
गतवर्ष पनि इन्द्रसरोवरमा पौडी खेल्ने २ जनाको मृत्यु भएको थियो ।