बालिकालाई बलात्कार गर्ने बालकलाई ७ वर्ष कैद

प्रताप विष्ट

(हेटौंडा) — बालिकालाई बलात्कार गरेको ठहर गर्दै जिल्ला अदालत मकवानपुरले १६ वर्षीय बालकलाई ७ वर्ष कैदको फैसला सुनाएको छ । पीडित बालिकालाई पीडकबाट एक लाख रुपैयाँ क्षतिपूर्ति स्वरुप उपलब्ध गराउन अदालतले आदेश गरेको छ ।

जिल्ला न्यायाधीश खडानन्द तिवारीको शुक्रबार बसेको बालइजलाशले मकवानपुरको वकैया गाउँपालिका-१० का १६ वर्षीय बालकलाई १४ वर्षीया बालिका बलात्कार गरेको ठहर गर्दै उक्त फैसला गरेको हो । ‘उमेर पुगेको अर्थात् १८ वर्ष पार गरेको भए दोषीलाई १४ वर्ष कैद हुने थियो’श्रेस्तेदार केशवराज कौशिकले भने, ‘नाबालक भएकाले ७ वर्षमात्र कैद गरेको हो ।’
बालक अहिले बालसुधार गृह हेटौंडामा छन् । उनको उमेर १८ वर्ष पूरा भएपछि बाँकी कैद भुक्तानीका लागि अदालतले कारागार पठाउने छ । उक्त बालकले २०७६ वैशाख ७ गते बालिकालाई बलात्कार गरेका थिए ।

प्रकाशित : जेष्ठ ३१, २०७६ १५:५७
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

सहकर्मीलाई थप्पड हानेको आरोपमा केन्यामा सांसद पक्राउ

रासस/एएफपी

काठमाडौँ — केन्यामा आफ्नो निर्वाचन क्षेत्रमा बजेट नदिएको भन्दै रशिद कास्सिम नाम गरेका एक सांसदले फातुमा गेडी नाम गरेकी सांसदलाई आक्रमण गरेको अन्तर्राष्ट्रिय सञ्चार माध्यमले जनाएका छन् । गेडी संसद्को बजेट समितिमा सदस्य पनि भएको समाचारमा उल्लेख छ ।

आक्रमणपछिको एक फोटोमा गेडी रुँदै गरेको र उनको मुखमा रगत निस्केको देखिन्छ । उक्त फोटो सामाजिक सञ्जालमा व्यापक भएपछि यस समाचारले बढी चर्चा पाएको छ । पूर्वी केन्याबाट सांसदमा निर्वाचित कास्सिमले आफ्नो निर्वाचन क्षेत्रमा किन रकम विनियोजन नगरेको भन्दै गेडीसँग संसद् भवनस्थित गाडी रोक्ने स्थानमा झगडा गरेको जनाइएको छ । त्यसपछि पुरुष सांसदहरुले 'थप्पड दिवस’ हो भनि महिला सहकर्मीहरूलाई होच्याएको समाचारमा जनाइएको छ ।

कास्सिमलाई पक्राउ गर्नुपर्ने मागसहित महिला सांसदहरू संसदबाट बाहिरिएपछि आरोप लागेका सांसद पक्राउ परेका जनाइएको छ ।

प्रकाशित : जेष्ठ ३१, २०७६ १५:४०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT