गुडिरहेको ट्रकमा आगलागी

राजकुमार कार्की

सिन्धुली — बीपी राजमार्ग अन्तर्गत कमलामाइ नगरपालिका-२ को पिपलभन्ज्याङमा गुडिरहेको ट्रकमा आगलागी भएको छ । मंगलबार सदरमुकाम सिन्धुलीमाढीबाट मन्थलीतर्फ जाँदै गरेको बा ५ ख ३७३६ नम्बरको सिमेन्ट लोड भएको ट्रकमा आगलागी भइ जलेर नष्ट भएको प्रहरीले जनाएको छ ।

प्रतिकात्मक तस्बिर

ट्रकको पछाडिको टायरबाट आगो सल्किएको थियो। आगलागीबाट ट्रक र सामान गरि ३४ लाख बराबरको क्षति भएको समेत प्रहरीले जनाएको छ।
ट्रकमा आगलागी भएपछि दुईघण्टा बीपी राजमार्ग बन्द भएको थियो। जलेको ट्रकलाई पन्छाएर यातायात सुचारु गरिएको छ।

प्रकाशित : चैत्र ५, २०७५ १३:०२
प्रतिक्रिया
पठाउनुहोस्
ADVERTISEMENT

कमलाले बगाएर एकको मृत्यु, एकको जिवितै उद्दार

राजकुमार कार्की

सिन्धुली — कमलानदी नदी तर्ने क्रममा बगाएर एकको मृत्यु भएको छ । शुक्रबार कमलानदी पारी निपानेको जंगलमा गोठाला गएका दूधौली नगरपालिका-२ टोटराका ६५ वर्षीय मलेसी दनुवारको फर्कने क्रममा बगाएर मृत्यु भएको प्रहरीले जनाएको  छ । मृतकको शव शनिबार फेला परेको हो वडा नं १ को विचित्रमा नदी किनारमा फेला परेको थियो । 

गोठाला जाँदा बाढी नआएकाले सहजै कमला नदी पार गरेर गएका मृतक दनुवार फर्कँदा बाढीमा हेलिएकाले बगेको स्थानीय रेखनाथ दाहालले जानकारी दिए । यस अघि कमलानदी तर्ने क्रममा बगेर थप एकजनाको मृत्यु भइसकेको छ ।

त्यस्तै कमलानदी पार गर्ने क्रममा बगेका तीनपाटन गाउँपालिका-१ का ५२ वर्षीय धनबहादुर आलेको स्थानीयले जिवितै उद्दार गरेका छन् । कमलामाई नगरपालिका-१० डाडाटोल नजिकैबाट कमलानदी पार गर्न लाग्दा उनी बगेका थिए ।

स्थानीयले देखेपछि होहल्ला गरि पौडिएर जिवितै उद्धार गर्न सफल भएको रेडक्रस भीमान उपशाखाका यादव सुवेदीले जानकारी दिए । उनलाई करिव पाँचसय मिटर बगाएको थियो । कमलानदीमा पुल नहुँदा वर्षेनी बगेर स्थानीयको मृत्यु हुने गरेको छ ।

प्रकाशित : भाद्र ९, २०७५ १४:५७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×