अटो चलाउँदै महिला

कान्तिपुर संवाददाता

सिन्धुलीमाढी — जागिर खान पर्याप्त शिक्षा नलिएका र घरव्यवहारका काममा व्यस्त महिलालाई अटो चलाउने पेसाले भने राहत दिन थालेको छ । आर्थिक रूपले सबल बन्न उनीहरू सिन्धुलीमाढी बजारमा अटो व्यवसास अपनाउन थालेका छन् । सुरक्षित ढंगले यात्रुलाई गन्तव्य पुर्‍याउन थालेपछि उनीहरूप्रति यात्रुको विश्वाससमेत बढेको छ ।

‘यात्रुप्रति विश्वास थपिएको छ,’ जिल्लाको पहिलो महिला अटो चालक तथा भद्रकाली यातायात प्रालिकी अध्यक्ष रेखा गौतमले भनिन् । उनले दुई वर्षदेखि अटो चलाउन थालेकी हुन् । महिलाहरूले चालकको काम गर्न हुँदैन भन्ने परम्परागत सोचाइलाई तोड्न तथा आर्थिक रूपमा सबल बन्न अटो चलाउन थालेकोउनले बताइन् ।


‘सुरुसुरुमा अटो चलाउँदा हेर्ने मान्छेहरूको लाइन हुन्थ्यो । महिलाले चालकको काम गर्न सक्छ भनेर विश्वासन नै गर्दैनथे । ग्राहकहरू पनि त्यति आउँदैनथे,’ उनको अनुभव छ, ‘अहिले पुरुषले भन्दा त झन् सुरक्षित तवरले चलाउँदा रहेछन् भन्न थालेका छन् ।’


महिलाले चालकको काम गर्न सक्दैनन् भन्ने गलत सोचाइलाई चिर्दै महिला चालक अटो चलाउन थालेका हुन् । सुरुसुरुमा महिलाले पनि चालकको काम गर्छन् र ? भनेर प्रश्न गर्नेहरूले नै अहिले हौसला दिन थालेको कमलामाई नगरपालिका ४ मल्लागाउँकी विनीता देवकोटा बताउँछिन् । अटो चलाउन थालेपछि घरव्यवहार चलाउन र छोराछोरी पढाउन सहज भएको देवकोटाको ठम्याइ छ । सबैले सम्मान गर्न थालेकाले उनलाई हौसला मिलेको छ ।


‘हामी महिलाले चालकको काम के गर्न सकौंला र भन्ने लागेको थियो,’ सुरुको अनुभव राख्दै कनपा ६ धुराबजारकी सुशीला बस्नेत आफूभन्दा अगाडि अटो चलाएका दिदीबहिनीलाई देखेर प्रेरणा मिलेको सुनाउँछिन् । जसका कारण अहिले सुशीला आर्थिक रूपमा सक्षम भएको बताउँछिन् । अटो व्यवसायबाट उनी अहिले खुसी छिन् । कनपा ४ मिलनचोककी एकल महिला सरिता सुनुवारले भने सबै जिम्मेवारी एक्लैले निर्वाह गर्नुपर्ने भएकाले बिहान घरधन्दा सकेर मात्र अटो चलाउन निस्किन्छिन् । दिउँसो फुर्सदको समय सदुपयोग गर्दा मात्रै पनि आफ्नो २ छोरीलाई पढाउन र घरव्यवहार टार्न सहज भएको उनी बताउँछिन् ।


अरू जागिर तथा काममा जस्तो १०(५ बजेसम्म अथवा ७(५ बजेसम्म काम गर्नै पर्छ भन्ने छैन । ‘आफ्नो घरधन्दा सकेर ढुक्कले दिउँसो फुर्सदको समयमा अटो चलायो फेरि साँझको काम गर्न घर पुग्यो । सहज छ,’उनले थपिन् । महिलाले घरभित्रको काम मात्रै गर्नुपर्छ, अझ चालकको काम त गर्नै हुँदैन भन्ने सोचाइलाई गलत सावित गर्दै सिन्धुलीका महिलाहरू अहिले अटो चलाउन थालेका हुन् । जिल्लामा अहिले १५ जना महिलाह अटो चलाएर आयआर्जन गर्न थालेका छन् ।


सुजता लामा

– प्रशिक्षार्थी प्रकाशित : चैत्र ५, २०७५ १०:२२

प्रतिक्रिया
पठाउनुहोस्
ADVERTISEMENT
ADVERTISEMENT

ब्रुमर अर्को सातादेखि

राजेन्द्र मानन्धर

काठमाडौँ — दिनमा १० किलोमिटर लामो सडकको धूलो एउटैले टिप्न सक्ने क्षमताका पाँचवटा ब्रुमरको परीक्षण सकिएको छ । काठमाडौं महानगरपालिकाको कार्यालय र अन्यत्रबाट बोलाइएका विज्ञ इन्जिनियरहरूले सोमबार राष्ट्रिय सभागृहको प्रांगणमा राखिएका ब्रुमरको अन्तिम परीक्षण गरे ।

काठमाडौंको राष्ट्रिय सभागृहको प्रांगणमा सोमबार ब्रुमरको परीक्षण गरिँदै । तस्बिर : राजेन्द्र/कान्तिपुर

कानुनी र प्राविधिक प्रक्रिया पूरा गर्न बाँकी रहेकाले हप्ता दिनभित्र सडकमा ब्रुमरले काम गर्न थाल्नेमेयर विद्यासुन्दर शाक्यले बताए ।

चारैवटै चक्का मोडिन सक्ने उक्त ब्रुमर गुड्दा तीन मिटर चौडामा रहेको इँटा, ढुंगा, पत्कर, पानीका बोतल र धूलोलाई तानेर सफा गर्दै अघि बढ्छ । जताततै निर्माण कार्य भइरहेकाले सहरमा धूलो बढेको बताउँदै मेयर शाक्य भन्छन्, ‘ब्रुमरले काम गर्न थालेपछि सडकका धूलोमा हट्दै जान्छ ।’

महानगरपालिकाका मेकानिकल वरिष्ठ इन्जिनियर पुरुषोतम शाक्य र इटालियन कम्पनी डियुलेवोको तर्फबाट इन्जिनियर प्रवीण कुमारले प्राविधिक रूपमा ठीक रहेको लिखत आदनप्रदान गरे । सभागृहको प्रांगणमा विभिन्न तरिकाले परीक्षण गरेपछि वरिष्ठ इन्जिनियर शाक्यले भने, ‘हरहालतमा सडकमा काम गर्न ब्रुमर ठीक भएको पाइयो ।’

उनका साथमा थापाथली इन्जिनियरिङ कलेजका इन्जिनियर लक्ष्मण पालिखे र महानगरपालिका अन्तर्गतका इन्जिनियर प्रमोद ढुंगेलले संयुक्त रूपमा परीक्षण गरेका थिए ।

सातवटा कम्पनीले ग्लोबल टेन्डरमार्फत प्रतिस्पर्धा गरेर १० करोड ८९ लाख २४ हजार नौ सय एक रुपैयाँमा खरिद गरिएका उक्त ब्रुमरहरू चालकसहित सञ्चालकको जिम्मा सम्बन्धित कम्पनीले गर्ने इन्जिनियर शाक्यले बताए । उक्त कार्य नेपाली कम्पनी वर्ल्ड वाइड ट्रेडिङ कम्पनी प्रालिमार्फत उक्त खरिद खर्चमै गर्ने भएकाले तीन वर्षसम्म महानगरपालिकाले व्यवस्थापकीय कार्य मात्र गर्ने छ । कहाँ कहाँको सडक सफा गर्ने र उक्त ब्रुमरलाई जथाभावी गर्न नदिने कुराको नियन्त्रण महानगरले गर्ने गरी सम्झौता भएको छ ।

‘प्राविधिक परीक्षणपछि कम्पनीबाट औपचारिक रूपमा ब्रुमर महानगरपालिकाले बुझ्नेछ,’ मेयर शाक्यले भने । उनका अनुसार ब्रुमर हस्तान्तरण, बिमा, नम्बर प्लेट लिने प्रक्रिया र चालकलाई तालिम दिने कार्य भइरहेको छ । नयाँ प्रविधि भएकाले सुरुमा दक्षतापूर्वक सञ्चालन गर्न सकिए ब्रुमरलाई लामा समयसम्म चुस्तदुरुस्त रूपमा काममालगाउन सकिने उनले बताए ।

युरो मापदण्डस्तरका भनिएका ब्रुमरका अघि, बीचमा र पछाडि भागको दायाँबायाँ गरी चारवटा प्लास्टिकका ब्रससहित धूलो तान्न सक्ने शक्तिशाली पाइप जडान गरिएका छन् । पछाडिको भागमा धूलो नै तान्नका लागि पाइप जडित छ । चालकले ब्रुमरलाई सञ्चालन गरी अघि बढेपछि सडकको तीन मिटर चौडाका धूलोलाई तान्दै अघि बढ्छ ।

प्रकाशित : चैत्र ५, २०७५ १०:२१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×