पालुङ र चित्लाङमा १२ वर्षपछि हिमपात

दामन सिमभन्ज्याङमा एक महिना अघि पनि हिउँ परेको थियो । तर शिखरकोट, पालुङ, चित्लाङकोमा हिउँ परेका थिएन । थाहा नगरपालिकाको तल्लो भागमा समेत एक फिट भन्दा बढी हिउँ परेको छ भने दामन सिमभन्ज्याङमा तीन फिट बाक्लो हिउँ परेको स्थानीयले बताएका छन् ।

हिउँ परेकाले उत्तरी क्षेत्रमा सवारी साधन चल्न सकेका छैनन् । थाहा नगरपालिकाको शिखरकोट, पालुङ र चित्लाङ क्षेत्रमा १२ वर्षपछि हिउँ परेको शिखरकोटका शुकदेव रायमाझीले बताए ।

'२०६३ साल फागुन ४ गते यसरी नै हिउँ परेको थियो' रायमाझीले भने । हिउँका कारण उत्तरी क्षेत्रको जनजीवन कष्टकर वनेको छ ।