करेन्ट लागेर एकको मृत्यु, ६ घाइते 

हरिहरसिंह राठौर

धादिङ — पृथ्वीराजमार्गस्थित थाक्रे–११ महेशखोलामा खानेपानी योजनाको काम गर्ने मजदुरहरुलाई करेन्ट लागेर एक जनाको मृत्यु भएको छ । अन्य ६ जना घाइते भएका छन् । 

करेन्ट लागेर घाइते माइली तामाङ । 

मंगलबार बिहान ११ वजे झापा ममै ८ का ६४ वर्षीय निकी तामाङको उपचारका लागि लैजादा मृत्यु भएको हो । घाइते ६ जनाको अवस्था गम्भीर रहेको प्रहरीले जनाएको छ ।

घाइतेहरुमा थाक्रे–६ का ३७ वर्षीय धनवहादुर कार्की र उनका १६ वर्षीय छोरा निरज कार्की, थाक्रेकै २० वर्षीय गोपी कुलु, ४० वर्षीय सुरेश कुलु, ३५ वर्षीय माइली तामाङ्ग र गौतम तामाङ्ग रहेका छन् । घाइतेहरुको राजधानीस्थित ट्रमा सेन्टरमा उपचार भैरहेकोछ ।

महेशखोलाको पारिबाट बोरिङ गरी महादेववेसी बजारतर्फ पानी ल्याउने पाइप झुण्ड्याउने क्रममा आल्मुनियमको तारले बिजुलीको ११ हजार भोल्टेज तारमा छुदाँ करेन्ट लागेको अध्ययनमा खुलेको खानीखोलास्थित प्रहरी निरीक्षक जीवन निरौलाले बताए ।

प्रकाशित : वैशाख ४, २०७५ १२:३७
प्रतिक्रिया
पठाउनुहोस्

इमाडोलमा बस दुर्घटना, १६ यात्रु घाइते

जनकराज सापकोटा

काठमाडौँ — ललितपुरको लुभुबाट लगनखेल गइरहेको बा२ख ८६४ नम्बरको सार्वजनिक बस अनियन्त्रित भइ इमाडोलमा दुर्घटना हुँदा चालक सहित १६ जना घाइते भएका छन् ।

प्रहरी परिसर ललितपुरका डिएसपी नरेन्द्र चन्दका अनुसार बसका चालकको बी एण्ड बी अस्पतालमा उपचार भइरहेको छ भने अन्यको उपचार किष्ट अस्पतालमा भइरहेको छ।

घाइतेमध्ये ९ जना सख्त घाइते भएका किष्ट मेडिकल कलेजका चिकित्सक सुरज बज्राचार्यले बताए। उनका अनुसार ३ जनाको शल्यक्रिया भइसकेको छ। उनले भने, 'घाइते यात्रुका हाड जोर्नी भाँचिएका छन्।'

घाइते मध्ये तीन जना डिस्चार्ज भइसकेको र सबैजना खतरामुक्त रहेको डिएसपी चन्दले बताए।

प्रकाशित : वैशाख ४, २०७५ १२:२४
पूरा पढ्नुहोस्
प्रतिक्रिया
पठाउनुहोस्