सिरहा — सिरहाका १७ स्थानीय तहमध्ये १६ स्थानीय तहले आगामी आर्थिक वर्ष २०८२/८३ का लागि आय–व्ययसहितको अनुमानित बजेट गाउँ–नगर सभामार्फत् सार्वजनिक गरेका छन्।
अन्तर–सरकारी वित्त व्यवस्थापन ऐन, २०७४ मा उल्लेखित व्यवस्था अनुसार प्रत्येक वर्ष असार १० गतेभित्र नगरसभा सम्पन्न गर्नुपर्ने हुन्छ। तर जिल्लाका ८ नगरपालिका र ९ गाउँपालिका गरी जम्मा १७ स्थानीय तहमध्ये सिरहा नगरपालिकाले भने बजेट सार्वजनिक गर्न सकेको छैन।
सदरमुकामसमेत रहेको सिरहा नगरपालिकाले अहिलेसम्म नीति तथा कार्यक्रमसमेत सार्वजनिक गर्न नसकेको हो। प्रमुख प्रशासकीय अधिकृत इद्रीश राइनले नगर प्रमुख नवीन कुमार यादवको व्यस्तताका कारण बजेट पेस गर्न नसकिएको जानकारी दिए।
नगर प्रमुख यादवसँग सम्पर्क प्रयास गर्दा उनी सम्पर्कमा आएनन्।
अरू कुन स्थानीय तहको बजेट कति ?
- लहान नगरपालिका : १ अर्ब ६७ करोड ९५ लाख २८ हजार ६०१ रुपैयाँ
- गोलबजार नगरपालिका : ८१ करोड ८९ लाख ८९ हजार रुपैयाँ
- मिर्चैया नगरपालिका : ७० करोड ११ लाख ७९ हजार ८४३ रुपैयाँ
- कर्जन्हा नगरपालिका : ४२ करोड ९१ लाख ११ हजार २७१ रुपैयाँ
- धनगढीमाई नगरपालिका : ६८ करोड ९ लाख ७४ हजार ८६६ रुपैयाँ
- सुखीपुर नगरपालिका : ६२ करोड ८६ लाख ९ हजार २२६ रुपैयाँ
- कल्याणपुर नगरपालिका : ५८ करोड ३१ लाख ३३ हजार ५०३ रुपैयाँ
- औरही गाउँपालिका : ४० करोड ८३ लाख ९ हजार १५ रुपैयाँ
- अर्नमा गाउँपालिका : ४९ करोड ९६ लाख रुपैयाँ
- नवराजपुर गाउँपालिका : ४३ करोड ८६ लाख ७५ हजार २०० रुपैयाँ
- भगवानपुर गाउँपालिका : ४८ करोड ४४ लाख ३१ हजार ९४७ रुपैयाँ
- लक्ष्मीपुर पतारी गाउँपालिका : ४३ करोड ३४ लाख ५१ हजार रुपैयाँ
- विष्णुपुर गाउँपालिका : ४३ करोड ९४ लाख ५१ हजार २५१ रुपैयाँ
- सखुवानन्कारकट्टी गाउँपालिका : ३७ करोड ४० लाख ४ हजार ३०२ रुपैयाँ
- नरहा गाउँपालिका : ३८ करोड ८६ लाख ९५ हजार रुपैयाँ
- बरियारपट्टी गाउँपालिका : ४५ करोड ६८ लाख ८१ हजार ९१८ रुपैयाँ
