२४.१२°C काठमाडौं
राजविराज — सप्तरीको हनुमाननगर कंकालिनी नगरपालिका-१ कोसी व्यारेजस्थित गोलघर नजिक कोसी नदीको किनारबाट प्रहरीले मंगलबार राति एक सय १५ किलो लागूऔषध गाँजा नियन्त्रणमा लिएको छ ।
कोशी नदीको किनारमा बेवारिसे अवस्थामा काठको डुङ्गामा लोड गरी राखेको ८ बोरामा रहेको एक सय १५ किलो गाँजा बरामद भएको प्रहरीले जनाएको छ ।
कोसी व्यारेजबाट ठूलो परिमाणमा पटक पटक गाँजा बरामद हुँदै आएपनि तस्करी गर्ने भने पक्राउ पर्दैनन् । मंगलबार राति बरामद भएको गाँजा बारे थप अनुसन्धान भइरहेको प्रहरीले जनाएको छ ।
प्रकाशित : श्रावण ३०, २०८१ १६:४४
