२१.१२°C काठमाडौं
महोत्तरी — महोत्तरीको मटिहानी नगरपालिका-३ बरदाहाका ३८ परिवारले गाउँब्लक जग्गाको लालपुर्जा पाएका छन् ।
बुधबार एक कार्यक्रमकाबीच नापी कार्यालय जलेश्वर र मटिहानी नगरपालिकाले लालपुर्जा वितरण गरेको छ । ३८ जना ब्यक्तिको नाममा जग्गाधानी पुर्जा बितरण गरिएको मेयर हरिप्रसाद मण्डलले जानकारी दिए ।
नापी कार्यालय जलेश्वरका अनुसार २०६५/०६६ देखि जग्गाको लाल पुर्जाको लागि प्रक्रिया अघि बढेको थियो । मटिहानी-२ का १ सय ५६ परीवारको जग्गा धनीपुर्जा वितरणको अन्तिम तयारी भइरहेकाले छिट्टै उक्त पुर्जा वितरण गरिने नापी कार्यालय प्रमुख राम विनय सिंहले बताए ।
लालपुर्जा पाएपछि स्थानीय नजमा खातुनले निकै खुशी लागेको बताइन् ।
प्रकाशित : असार १९, २०८१ १६:०७
