पर्सामा लागूऔषधसहित ४ जना पक्राउ
पर्सा — प्रहरीले वीरगन्जको विभिन्न स्थानबाट लागूऔषधसहित ४ जनालाई पक्राउ गरेको छ । वीरगन्ज-२ इदगाह चोकबाट ४ सय ४१ थान प्रतिबन्धित लागूऔषध नुरफिन, फेनारगन, डाइजेल्याबसहित बारा जितपुर सिमरा उमनपा-२ का प्रदीप बोहरा क्षत्री शनिबार पक्राउ परेका हुन् ।
त्यसैगरी शनिबार साँझ साढे ४ बजे वीरगन्ज-१५ ब्रम्हनगर चोकबाट ३ नाबालकहरु ३ सय ३७ नाइट्राभेट ट्याबलेटसहित पक्राउ परेका छन् ।
पक्राउपर्ने नाबालकहरु भक्तपुर चागुनारायण नगरपालिका-७ का १७ वर्षीय, सिन्धुली सुनकोसी गाउँपालिका-२ का १७ वर्षीय र बारा प्रसौनी गाउँपालिका-३ का १८ वर्षीय नाबालिग रहेका छन् ।
