शिशु हत्या आरोपित पक्राउ

आफूले हत्या गरेको हो भनी अन्सारीले फोनमा कुरा गरेको आधार फेला पारी उनलाई पक्राउ गरिएको प्रहरीले जनाएको छ । आफूले हत्या गरेको भनी अन्सारीले स्वीकार गरिसकेकाले थप अनुसन्धानका लागि अदालतबाट सात दिनको म्याद लिएर अन्सारीलाई हिरासतमा राखिएको प्रहरी उपरीक्षक होविन्द्र बोगटीले पत्रकार सम्मेलनमा बताए ।

‘हत्या गरेको सूचना बुधबार आउनेबित्तिकै उनलाई पक्राउ गर्न अपराध अनुसन्धानको टोली परिचालन गरी पक्राउ गरिएको हो,’ प्रहरी उपरीक्षक बोगटीले भने, ‘काठमाडौंको एक वर्कसपमा काम गर्ने अन्सारीले आफ्नो बच्चा नभएकाले हत्या गरेको भनेर फोनमा कुरा गरेको प्रमाण फेला पारी पक्राउ गरिएको हो । विवाहपछि पत्नी गर्भवती भएदेखि नै अन्सारीले आफ्नोबाट गर्भ नरहेको भन्दै पत्नीलाई कुटपिट गर्दै आएका थिए ।’ घटनाबारे विस्तृत अनुसन्धान भइरहेको प्रहरी उपरीक्षक बोगटीले बताए ।