मिर्चैयामा आन्दोलनरत व्यापारीलाई दलको साथ

पालिकाले साबिक गाविस रामनगर–२ (क) कित्ता नम्बर २५६ मा बनेका संरचना सरकारको जग्गामा रहेको भन्दै करिब तीन दर्जन घर माघ २७, फागुन ११ र १९ मा भत्काएको थियो । कित्ता नम्बर २५६ अहिले नगरपालिकाको ५ नम्बर वडामा पर्छ । पालिकाले आफूहरूको बस्ने तथा व्यवसाय गरेर बाँच्ने सुनिश्चितता नै नगरी चालेको कदमले बेघर बनेको, व्यापार–व्यवसाय बन्द हुँदा रोजीरोटीको आधार नै गुमेकोलगायत दुखेसो पीडितहरूको छ । सडक विस्तारमात्र होइन नगरपालिकाले सडकमै नपरेको बजार क्षेत्रको १७ घरधुरी बहाल बिटौरी, ऐलानी जग्गा भएको भन्दै भत्काइदिएको उनीहरूको भनाइ छ ।

सोमबार आयोजित भेलाले जारी गरेको विज्ञप्तिमा कांग्रेस मिर्चैया नगर सभापति रमेशप्रसाद न्यौपाने, एमाले नगर अध्यक्ष सञ्जय साह, माओवादी केन्द्रका नगर अध्यक्ष रामबाबु यादव, राप्रपा नगर अध्यक्ष बेचन साहलगायतले हस्ताक्षर गरेका छन् ।