२४.१२°C काठमाडौं
ब्राउन सुगरसहित तीन युवक पक्राउ
सिरहा — प्रतिबन्धित लागूपदार्थ ब्राउनसुगरसहित प्रहरीले तीन युवकलाई बिहीबार सिरहाको मिर्चैयाबाट नियन्त्रणमा लिएको छ । जिल्ला प्रहरी कार्यालय सिरहाका अनुसार विशेष सुचनाको आधारमा मिर्चैया नगरपालिका–६ स्थित कटारी चोकबाट १८ ग्राम ५३ मिलिग्राम ब्राउन सुगरसहित मिर्चैया नगरपालिका–६ का २५ वर्षीय जितेन्द्र साह, १० का २५ वर्षीय ललित कुमार राम र वडा नम्बर ३ का २४ वर्षीय देवन यादवलाई पक्राउ गरेको हो ।
इलाका प्रहरी कार्यालय मिर्चैयाले मधेश प्रदेश ०१–००४ प २५६६ नम्बरको मोटरसाइकललाई चेकजाँच गर्ने क्रममा उक्त पदार्थसहित उनीहरुलाई नियन्त्रणमा लिएको जनाएको छ । पक्राउ परेकाहरुको बारे थप अनुसन्धान भइरहेको प्रहरीले जनाएको छ ।
प्रतिक्रिया
