कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: २०९

करिब १० किलो चरेससहित एक जना पक्राउ

शंकर आचार्य

पर्सा — प्रहरीले पर्साको कालिकामाई गाउँपालिकास्थित एक घरबाट ठूलो परिमाणमा लागूऔषध चरेस बरामद गरेको छ । सोमबार बिहान प्रहरीले कालिकामाई गाउँपालिका–१ तिनडुबियाका ३८ वर्षीय बृजेशप्रसाद कुर्मीको घरबाट ९ किलो ८ सय ग्राम चरेस बरामद गरेको हो । 

करिब १० किलो चरेससहित एक जना पक्राउ

कुर्मीले घरमा चरेस लुकाइराखेको विशेष सूचनाका आधारमा इलाका प्रहरी कार्यालय पोखरियाबाट प्रहरी निरीक्षक मोहन विक्रम केसीको कमान्डमा खटिएको टोलीले खानतलाशीपछि उक्त चरेस बरामद गरेको हो ।

कुर्मीको घरकोठा खानतलासी गर्ने क्रममा घरको अगाडि बरन्डामा खाटमुनि पहेलो र कालो प्लास्टिकले बेरिएको ५ सय ग्रामको २० पोकामा गरी ९ किलो ८ सय ग्राम चरेस बरामद भएको जिल्ला प्रहरी कार्यालयका प्रवक्ता डीएसपी दीपक गिरीले जानकारी दिए । कुर्मीलाई मंगलबार जिल्ला अदालतमा पेस गरी अदालतबाट ४ दिनको म्याद थप लिई अनुसन्धान भई रहेको गिरीले बताए ।


प्रकाशित : चैत्र १४, २०७९ ११:३०
प्रतिक्रिया
पठाउनुहोस्
जनताको राय

नेपाल संघीय लोकतान्त्रिक गणतन्त्र घोषणा भएको १६ वर्ष पुरा भएको छ । गणतन्त्रको गति कस्तो लागिरहेको छ ?