चैते छठ मनाइँदै

छठ मान्न जनकुपरको गंगासागर र अंगराजसरमा श्रद्धालु भेला भएका थिए । दुवै पोखरीको डिललाई सिँगारिएको छ । छठ मान्नेहरुको सख्यामा निरन्तर वृद्धि हुँदै गएकाले विगत केही वर्षदेखि अंगराजसरमा पनि चैते छठ मान्न थालिएको हो ।

कात्तिक र चैतमा गरी वर्षमा दुई पटक छठ र दशैं मान्ने धार्मिक मान्यता छ । कात्तिकमा मनाइने छठलाई शारदीय छठ तथा ननरात्रा भनिन्छ भन्ने चैतमा मान्नेलाई वासन्ती छठ र नवरात्रा भनिन्छ ।

पर्वको पहिलो दिन शनिबार व्रतालु पवित्र जलाशयमा स्नान गरी अरवा—अरवाईन अर्थात् चोखो खानेकुरा मात्र खाएका थिए । आइतबार दिनभरि उपवास बसी साॅझ गुलियो पुरी,खीरलगायतका प्रसाद ग्रहण गरेका थिए । यस उपक्रमलाई स्थानीय भाषामा षडना भनिन्छ । षडनापछि निराहार व्रत बसेका व्रतालुले सोमबार अस्ताउँदो सूर्यलाई अर्घ्य प्रदान गरेका छन् ।