शिक्षक संघ बाराको अध्यक्षमा सहनी
बारा — कांग्रेस निकट नेपाल शिक्षक संघ बाराको नवौं जिल्ला अधिवेशनबाट राजकिशोर सहनी अध्यक्षमा निर्वाचित भएका छन् । उनको नेतृत्वमा अन्य पदाधिकारीसहित २० सदस्यीय कार्यसमिति निर्वाचित भएका हुन् । मतदान प्रक्रियाबाट उनीहरु निर्वाचित भएका हुन् ।
दुई प्यानलमा बुधबार कलैयामा सम्पन्न मतदानपछि शुक्रबार मतगणना सकिएको हो । सहनीले १ हजार १ सय १७ मत ल्याए भने उनका निकटम प्रतिद्वन्द्वी निवर्तमान अध्यक्ष परमहंश यादवले ८ सय ७७ मत प्राप्त गरे । २ सय ४० मतको फराकिलो अन्तरले सहनी निर्वाचित भएका हुन् । उ
पाध्यक्षमा अनिता चौधरी, सुभाषचन्द्र यादव, सचिवमा शुकदेव यादव, सचिव (अर्थ)तर्फ ऋषिकान्तकुमार, सचिव रामविनयप्रसाद यादव, समावेशी सहसचिवतर्फ धनीराम चौधरी र हितेन्द्र चौधरीलगायत १२ जना अन्य सदस्य निर्वाचित भएका हुन् ।
सहनी संस्थापन र यादव इतर पक्षबाट प्यानल बनाएर चुनावी मैदानमा थिए । सबै पदाधिकारी र अधिकांश सदस्यहरु संस्थापन पक्षकै निर्वाचित भएका छन् ।
