कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३८

जनकपुरको राराबमा सचिवबाहेक नेविसंघको प्यानलै निर्वाचित

सन्तोष सिंह

धनुषा — जनकपुरधामको रामस्वरूप रामसागर बहुमुखी (राराब) क्याम्पसको स्ववियु सभापतिमा नेपाली कांग्रेस समर्थित नेपाल विद्यार्थी संघ (नेविसंघ) का उम्मेदवार मनिषकुमार यादव निर्वाचित भएका छन् ।

जनकपुरको राराबमा सचिवबाहेक नेविसंघको प्यानलै निर्वाचित

सभापतिमा यादवले १ हजार १४७ मत ल्याएर विजयी हुँदा उनका निकटतम् प्रतिद्वन्द्वी लोकतान्त्रिक विद्यार्थी संघका उम्मेदवार प्रशान्त झाले ७१५ मत प्राप्त गरेका छन् ।

त्यस्तै, पाँचदलीय गठबन्धनका उम्मेदवार गौतमकुमार यादवले ११८ मत मात्र प्राप्त गरे । स्ववियुको नेतृत्व चयनका लागि आइतबार बिहान ८ बजेदेखि सुरु भएको मतदान दिउँसो ४ बजे सम्पन्न भएको थियो । राराब क्याम्पसमा ७ हजार २ सय १५ विद्यार्थी मतदाता रहेकोमा २ हजार ६ सय ६२ जनाले मतदान गरेका थिए ।

राराब क्याम्पसमा २१ सदस्यीय स्ववियु कार्यसमितिका लागि सभापतिमा ६ जनासहित ८८ जनाले उम्मेदवारी दिएका थिए । राराबको स्ववियु कार्यसमितिमा ११ जना प्रत्यक्षबाट र १० जना समानुपातिकबाट निर्वाचित भएर चुनिएका छन् ।

प्रकाशित : चैत्र ६, २०७९ १७:००
प्रतिक्रिया
पठाउनुहोस्
जनताको राय

नेपाल संघीय लोकतान्त्रिक गणतन्त्र घोषणा भएको १६ वर्ष पुरा भएको छ । गणतन्त्रको गति कस्तो लागिरहेको छ ?