२८.१२°C काठमाडौं
काठमाडौंमा वायुको गुणस्तर: १५२

लागूऔषधसहित वीरगन्जमा २ युवक पक्राउ

शंकर आचार्य

पर्सा — प्रहरीले वीरगन्जका छुट्टाछुट्टै स्थानबाट प्रतिबन्धित लागूऔषध तथा गाँजासहित २ जना युवकलाई पक्राउ गरेको छ । पक्राउ पर्नेमा एक भारतीय नागरिक रहेका छन् ।

लागूऔषधसहित वीरगन्जमा २ युवक पक्राउ

शनिबार राति साढे ९ बजेको समयमा वीरगन्ज महानगरपालिका–१६ शंकराचार्य गेटस्थित सडक खण्डमा बी म न पा १ ह १–०११८ नम्बरको ई–रिक्सा शंकास्पद रुपमा भारत रक्सौलबाट वीरगन्जतर्फ आउँदै गरेकोमा प्रहरीचौकी इनर्वाबाट खटिएको प्रहरी टोलीले जाँच गर्दा उक्त ई–रिक्सा चालक वीरगन्ज–१५ भिष्वा निवासी २० वर्षीय बलजित यादवले रिक्साको सिटमुनि लुकाइ ल्याएको लागूऔषध बरामद भएको थियो ।

उक्त इरिक्साबाट प्रतिबन्धित लागूऔषध ओनरेक्स १ सय एमएल लेखिएको ५ कार्टुनमा १ सय ७८ बोतल सिरप फेला परेको थियो । बरामद भएको लागू औषध, ई–रिक्सा र ई–रिक्सा चालक यादव समेतलाई बरामद तथा नियन्त्रणमा लिइ लागूऔषध सम्बन्धी कसुरमा आइतबार पर्सा जिल्ला अदालतबाट ७ दिन म्याद थप गरी थप अनुसन्धान कार्य भइरहेको जिल्ला प्रहरी कार्यालय पर्साले जनाएको छ ।

त्यसैगरी, शनिबार साँझ ६ बजेको समयमा वीरगन्ज महानगरपालिका– १६ इनर्वागाउस्थित धर्मकाँटा अगाडि पार्किङ गरी राखेको बीआर ०७ जिए ९६९१ भारतीय नम्बरको मिनी ट्रकबाट लागू औषध गाँजा बरामद भएको छ ।

उक्त ट्रकमा गाँजा लुकाइ छिपाइ राखिएको विशेष सूचनाको आधारमा प्रहरी उपरीक्षक कोमल शाहको कमाण्डमा प्रहरी टोली खटिएर जाँदा उक्त ट्रक जाँच गर्दा ट्रकको पछाडि भागको तल सामान राख्ने गोप्य ठाउँ बनाइ लुकाइ छिपाइ राखिएको १ सय ४९ किलो गाँजा फेला परेको थियो ।

ट्रक चालक भारत बिहार पूर्वी चम्पारण मोतिहारी जिल्ला पोस्ट सपाहा दक्षिणी मनासिङ्गा लक्ष्मीपुर वडा नं ११ का २७ वर्षीय ओमप्रकाश सिंहलाई पक्राउ गरिएको छ । उनलाई आइतबार पर्सा जिल्ला अदालतबाट ७ दिनको म्याद थप गरी थप अनुसन्धान कार्य भइरहेको जिल्ला प्रहरी कार्यालयका प्रवक्ता डीएसपी दीपक गिरीले जानकारी दिए ।

प्रकाशित : चैत्र ६, २०७९ १२:४१
प्रतिक्रिया
पठाउनुहोस्
जनताको राय

नौ वर्षमा १४ अर्ब खर्च भइसक्दा पनि चुरेमा विनाश बढीरहेको छ र मधेसमा खानेपानीको स्रोत समेत सुक्न थालेका छन् । यसबारे तपाईंको टिप्पणी के छ ?

x