अझै सुरू भएन महेन्द्र विन्देश्वरी बहुमुखी क्याम्पसको मतगणना

मतदान समपन्न भएपछि विभिन्न विद्यार्थी संगठनले मतदानमा धाँधली भएको आरोप लगाएका छन् । मतगणनाका लागि उम्मेदवारहरुका प्रतिनिधि नआएपछि आइतबार राति मतगणना सुरु गर्न नसकिएको निर्वाचन समितिका सदस्य नन्दकिशोर यादवले जानकारी दिए । आइतबार मध्य रातिसम्म मतगणना हुनुपर्ने र रोक्नुपर्ने समूहहरुले क्याम्पस अगाडि राजविराज–कुनौली सडकमा टायर बालेर विरोध प्रदर्शन गरेका थिए ।

आज विद्यार्थी संगठनका प्रतिनिधीहरुलाई राखेर छलफल गरिने र त्यसपछि मतगणनाबारे आवश्यक निर्णय लिइने निर्वाचन समिति सदस्य यादवले बताए ।