१७.१२°C काठमाडौं
काठमाडौंमा वायुको गुणस्तर: १५८

गुठी जग्गा संरक्षणको माग 

श्यामसुन्दर शशि

जनकपुर — इतिहासिक प्रजातान्त्रिक जनता पार्टीले गुठीका अधिनस्थ जग्गा सामाजिक उपभोगमा ल्याउनु पर्ने माग गरेको छ । 

गुठी जग्गा संरक्षणको माग 

केन्द्रीय अध्यक्ष बद्रीनारायण ठाकुरको नेतृत्वमा गएको टोलीले आइतबार जनकपुरधामस्थित गुठी संस्थान शाखा कार्यालयलाई गुठी जग्गा अतिक्रमणमुक्त गर्न ध्यानाकर्षण गराएको हो । गत भदौ १२ गते उक्त पार्टीले गुठी संस्थान केन्द्रीय कार्यालय त्रिपुरेश्वरमा सात बुँदे सुझावसहितको ज्ञापनपत्र बुझाएको थियो । ज्ञापनपत्रमा उठाइएका सवालहरु सम्बोधन नगरिएकोले आइतबार पुनर्ताजगीपत्र बुझाइएको अध्यक्ष ठाकुरले बताए ।

गुठी संस्थानको सम्पत्ति दिनदिनै बिक्री वितरण तथा अतिक्रमणमा पर्दै गए पनि सरोकारवाला निकाय मौन रहेको भन्दै इतिहासिक प्रजातान्त्रिक जनता पार्टीले विरोध कार्यक्रमसमेत सार्वजनिक गरेको छ । घोषित कार्यक्रममा ज्ञापनपत्र बुझाउने, रिले धर्ना, रिले अनसन, पूर्णकालीन अनसन तथा कार्यालयमा तालाबन्दी गर्नेलगायत छन् ।

भदौ १२ गते गुठी केन्द्रिय कार्यालयमा बुझाइएको ज्ञापनपत्रमा गुठी संस्थानको जग्गा यकिन गरी समाजका गरिब, विपन्न, दलित, सुकुम्बासीलगायत घरबास नभएकाहरुलाई वितरण गर्नुपर्ने तथा जग्गा उपभोग गरेबापत कानुनअनुसार गुठी संस्थानलाई कूतबाली बुझाइने उल्लेख छ ।

प्रकाशित : चैत्र ५, २०७९ १६:५८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?