सशस्त्र प्रहरीद्वारा नक्कली नोटसहित दुई जना पक्राउ

सिरहा जिल्ला लहान नगरपालिका-८ स्थित पशुपति माध्यमिक विद्यालय नजिकबाट उनीहरुलाई नियन्त्रणमा लिइएको हो । नक्कली नोटसहित नियन्त्रणमा लिइएकाहरुमा सिरहा जिल्लास्थित लहान नगरपालिका-१९ स्थायी घर भएका वर्ष ३० का मोहम्मद ओसिन र सोही नपा-१० स्थायी घर भएका वर्ष २२ का मोहम्मद राज शेख रहेका छन् । उनीहरुको साथबाट चार सय पैंतीस थान एक हजार दरका नक्कली नोट, नोट बनाउन प्रयोग गरिने कागजको बण्डल, दुई थान मोबाइल सेट, ७ थान सिमकार्ड तथा एक हजार ५५ रुपैयाँसमेत बरामद भएको छ ।

उनीहरुलाई बरामद सामानसहित कारबाहीको लागि ईलाका प्रहरी कार्यालय लहानमा बुझाइएको छ ।