१८.१२°C काठमाडौं
काठमाडौंमा वायुको गुणस्तर: १२४

राजमार्गबाट ट्यांकर नै चोरी, २० हजार लिटर डिजेल निकालियो 

अवधेशकुमार झा

राजविराज — नेपाल आयल निगमको अमलेखगन्ज डिपोबाट विराटनगरस्थित आयल निगमको डिपोमा लगिँदै गरेको तेल ट्यांकर नै चोरी गरी २० हजार लिटर डिजेल निकालिएको छ । को १ ख ३६५५ नम्बरको ट्यांकर चोरी गरी डिजेल निकालिएको हो । 

राजमार्गबाट ट्यांकर नै चोरी, २० हजार लिटर डिजेल निकालियो 

अलमेखगन्जबाट विराटनगर जाँदै गरेको उक्त ट्यांकर शनिबार राति पूर्व-पश्चिम राजमार्गअन्तर्गत सप्तरीको कंचनरुप नगरपालिका-९ स्थित पेट्रोल पम्पबाट चोरी भएको थियो । आइतबार बिहान पूर्व-पश्चिम राजमार्गभन्दा उत्तर शम्भूनाथ नगरपालिका-२ खैरबनामा जंगल जाने बाटोमा स्थानीय बासिन्दाहरुले बेवारिसे अवस्थामा ट्यांकर देखेपछि प्रहरीलाई खबर गरेको थियो ।

रुपनगरस्थित पेट्रोल पम्पबाट ट्यांकर लगेर डिजेल निकाली बेवारिसे अवस्थामा छोडेर चोरी गर्नेहरु फरार भएको प्रहरीले जनाएको छ । बेवारिसे अवस्थामा फेला परेको ट्यांकर अहिले प्रहरी नियन्त्रणमा छ । प्रहरीले ट्यांकरका चालक सप्तरीको रुपनगर नै घर भएका विनोदकुमार भुजेलसँग सोधपुछ गरिरहेको छ । ट्यांकर फेला परेपछि प्रहरीले ट्यांकरको नम्बरका माध्यमबाट ट्यांकर धनीलाई खबर गरी समेत बोलाएको छ ।

इलाका प्रहरी कार्यालय कंचनपुरका डिएसपी रामकुमार यादवले अनुसन्धान भइरहेको बताए । उनले बेवारिसे अवस्थामा रहेको ट्यांकर ल्याइएको, ट्यांकरको तेल निकाल्ने दुईवटा लक तोडिएको अवस्थामा फेला परेको सुनाए । ट्यांकरमा २० हजार लिटर डिजेल रहेको र चोरी गरी लग्नेले सबै निकालेका वा ट्यांकरभित्र डिजेल बाँकी रहेको बारे हेर्ने काम भइरहेको बताए ।

प्रकाशित : माघ १५, २०७९ २२:१३
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?