२६.१२°C काठमाडौं
काठमाडौंमा वायुको गुणस्तर: ३९०

विवाह गर्न वडाको स्वीकृति !

राजविराज — सप्तरीको सुरुंगा नगरपालिका–७ मा वडा कार्यालयको पूर्वस्वीकृति लिएर मात्र विवाह गर्न पाइने भएको छ । 

विवाहअघि जन्मदर्ता वडा कार्यालयमा पेस गरी स्वीकृति लिएर मात्र विवाह गर्न वडाले अनिवार्य गरेको छ । २० वर्षभन्दा कम उमेरमा विवाह गर्न नपाउने साथै २० वर्षभन्दा कम उमेरमा विवाह गर्ने/गराउने कार्यमा संलग्न हुने जन्ती, पुरोहितसमेतलाई कारबाही हुने वडाध्यक्ष शिवनारायण चौधरीद्वारा हस्ताक्षरित सूचनामा उल्लेख छ ।

सूचनामा विवाहको निमन्त्रणा पत्र छपाउँदा बेहुला र बेहुलीको जन्ममिति अनिवार्य उल्लेख गर्नुपर्ने भनिएको छ । सप्तरीको सुरुंगा नगरपालिका मधेस प्रदेशमै बाल विवाहमुक्त पहिलो पालिका हो ।

गत मंसिर १४ मा उक्त नगरलाई बाल विवाहमुक्त नगरपालिका घोषणा गरिएको थियो ।


प्रकाशित : माघ १४, २०७९ ०७:३३
प्रतिक्रिया
पठाउनुहोस्
जनताको राय

सुख्खा मौसम सुरुभएसँगै डढेलो र आगलागी घटना व्यापक बढेका छन् । वर्षेनी हुने यस्ता घटनाबाट धेरै क्षति हुन नदिन के गर्नुपर्छ ?