कर्मचारी बिदामा गएपछि गजेन्द्रनारायण अस्पतालको भिडियो एक्सरे ४ दिनदेखि बन्द
राजविराज — सप्तरीको राजविराजस्थित गजेन्द्रनारायण सिंह अस्पतालको भिडियो एक्सरे सेवा पछिल्लो चार दिनदेखि रोकिएको छ । अस्पतालको भिडियो एक्सरे सेवा बन्द हुँदा अस्पतालमा आएका बिरामीहरुलाई अस्पताल बाहिर महँगोमा भिडियो एक्सरे सेवा लिनुपर्ने बाध्यता सिर्जना भएको छ ।
अस्पतालमा भिडियो एक्सरे सेवा सञ्चालन गर्ने रेडियोलोजिष्ट आशिषकुमार सिंह बिदामा गएपछि सेवा नै ठप्प भएको हो । अस्पतालका मेडिकल सुपरिटेन्डेन्ट डा. प्रकाश साहका अनुसार अस्पतालमा सिंह एक मात्र रेडियोलोजिष्ट छन् । उनी बिदामा गएका कारण सेवा सञ्चालन गर्ने प्राविधिकको अभावमा भिडियो एक्सरे सेवा रोकिएको हो ।
अस्पतालमा भिडियो एक्सरे चलाउने रेडियोलोजिष्टको दरबन्दी खाली छ । छात्रवृत्ति करारमा रहेका सिंह आउँदो शुक्रबार सम्मका लागि बिदामा रहेको मेसु डा. साहले बताए ।
प्रकाशित : माघ १०, २०७९ १४:१५प्रतिक्रिया
