२८.१२°C काठमाडौं
जनकपुर — मधेस प्रदेशमा सभामुखको निर्वाचन आज १ बजे हुँदैछ । सत्तागठबन्धन दलबाट नेकपा एमालेका रामचन्द्र मण्डल र नेपाली कांग्रेसका जंगीलाल यादव सभामुखका उम्मेदवार छन् । हिजो शोक बिदाका कारण निर्वाचन हुन सकेको थिएन ।
१ सय ७ सदस्यीय मधेश प्रदेशसभामा सत्तागठबन्धन ५ दल तथा ३ स्वतन्त्रगरी ७२ प्रदेशसभा सदस्यको समर्थन छ । नेपाली कांग्रेससँग २२ प्रदेशसभा सदस्य छन् । कांग्रेस प्रदेशसभाको दोस्रो ठूलो दल हो । सत्ता गठबन्धनमा नेकपा एमालेका २३, जनता समाजवादीका १६, जनमत पार्टीको १३, माओवादी केन्द्रको ९ तथा लोकतान्त्रिक समाजवादी पार्टी र राष्ट्रिय प्रजातन्त्र पार्टी र नेपाल संघीय समाजवादी पार्टीको समर्थन प्राप्त छ ।
सभामुखका उम्मेदवार रामचन्द्र मण्डलका अनुसार आजको बैठकमा सर्वसम्मतिमा सभामुख चयन गर्ने प्रयास पनि हुन्छ । ‘सर्वसम्मति गर्न हामीले कांग्रेससँग आग्रह गरेका छौं । हेरौं के हुन्छ,’ उनले भने ।
प्रकाशित : माघ ३, २०७९ ०८:२८
